Mediante a Resolución do Inega do 23 de decembro de 2026, que foi publicada no DOG núm. 12, do 20 de xaneiro, establecéronse as bases reguladoras e anunciouse a convocatoria de subvencións para proxectos de enerxía fotovoltaica.

O artigo 3.2 das bases reguladoras prevé a posibilidade de redistribuír o orzamento se nalgunha das epígrafes non se rexistraron solicitudes suficientes para esgotar os fondos dispoñibles e noutra das epígrafes existe lista de agarda.

O prazo de presentación de solicitudes rematou o 2 de marzo e non se rexistrou un número suficiente de solicitudes para esgotar o orzamento correspondente ao ano 2026 na Administración local. Pola súa banda, na epígrafe correspondente a empresas non existe dispoñibilidade orzamentaria suficiente para atender as solicitudes con cargo ao orzamento de 2026.

Do mesmo xeito, no orzamento destinado á execución do ano 2027 existe un excedente correspondente á epígrafe de empresas, mentres que non hai dispoñibilidade orzamentaria suficiente para atender as solicitudes da Administración local nesta anualidade.

O artigo 31 do Decreto 11/2009 establece que cando a contía máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria, pero si das modificacións que procedan no expediente de gasto e da publicación nos mesmos medios que a convocatoria.

Por todo o anterior, dado que nas ampliacións orzamentarias correspondentes existe crédito dispoñible, e coa finalidade de incrementar a eficacia administrativa e a eficiencia na asignación de recursos públicos, maximizando o impulso de proxectos de enerxía fotovoltaica,

RESOLVO:

Primeiro. Redistribuír os fondos destinados ás subvencións para proxectos de enerxía fotovoltaica para as anualidades 2026 e 2027, en función do volume de solicitudes recibido, modificando a táboa do artigo 3.1 da Resolución do 23 de decembro de 2025 do seguinte xeito:

Modificación orzamentaria:

Beneficiario/a	Importe inicial	Modificación	Importe final
Empresas	4.550.000 €	+ 100.000 €	4.650.000 €
Administración local	1.560.000 €	- 100.000 €	1.460.000 €
Entidades sen ánimo de lucro	390.000 €	-	390.000 €
Total	6.500.000 €	0 €	6.500.000 €

Dotación orzamentaria final:

Tipo de beneficiario/a	Anualidade 2026 (€)	Anualidade 2027 (€)	Importe asignado (€)
Empresas	2.700.000 €	1.950.000 €	4.650.000 €
Administración local	590.000 €	870.000 €	1.460.000 €
Entidades sen ánimo de lucro	210.000 €	180.000 €	390.000 €
Total	3.500.000 €	3.000.000 €	6.500.000 €

Segundo. Esta modificación, unha vez publicada no Diario Oficial de Galicia, non implicará a alteración do prazo establecido para presentar solicitudes.

Santiago de Compostela, 12 de maio de 2026

Pablo Fernández Vila
Director do Instituto Enerxético de Galicia