O Pleno do Concello de Ribadavia na sesión do 25 de xuño de 2026 adoptou o seguinte acordo:

Primeiro. Aprobar, ao abeiro do disposto no artigo 42.5 da Lei 2/2016 do solo de Galicia, o cambio do uso dotacional sanitario previsto no Plan xeral de ordenación municipal de Ribadavia polo uso dotacional asistencial para a parcela 0618346NG7801N0001QE.

Segundo. Publicar o presente acordo no BOP, no DOG e na páxina web municipal.

Terceiro. Remitir o presente acordo á Dirección Xeral de Urbanismo da Consellería de Vivenda e Planificación de Infraestruturas, xunto con dous exemplares dilixenciados da modificación.

Cuarto. Tramitar a inscrición da modificación no Rexistro de Planeamento Urbanístico de Galicia.

Contra o presente acordo poderá interpoñerse un recurso contencioso-administrativo no prazo de dous meses, a partir do día seguinte ao da súa publicación, de acordo co disposto no artigo 46.1 da Lei reguladora da xurisdición contencioso-administrativa, ante a Sala do Contencioso-Administrativo do Tribunal Superior de Xustiza de Galicia, sen prexuízo doutras accións legais que se consideren convenientes.

Ribadavia, 26 de xuño de 2026

César Fernández Gil
Alcalde