A Lei 7/2014, do 26 de setembro, de arquivos e documentos de Galicia, establece no seu artigo 19 que os documentos de titularidade pública serán avaliados e seleccionados para determinar a súa conservación ou eliminación, de acordo co interese que presenten desde o punto de vista administrativo, xurídico, legal e histórico e os seus prazos de vixencia, acceso e conservación.
Os documentos de titularidade pública son patrimonio documental de Galicia desde a súa creación ou a súa acumulación, tal como establecen a citada Lei de arquivos e documentos de Galicia e a Lei 5/2016, do 4 de maio, do patrimonio cultural de Galicia. A xestión, custodia e acceso aos documentos de titularidade pública réxense polos principios desta normativa e son responsabilidade directa dos seus titulares.
A Lei de arquivos e documentos establece que non se poderá eliminar ningún documento público se antes non foi avaliado e seleccionado de acordo co procedemento que se estableza para tal fin. Con este obxectivo, o Decreto 15/2016, do 14 de xaneiro, que regula a composición do Consello de Avaliación Documental de Galicia, establece o procedemento que se debe seguir na avaliación para a selección de documentos.
No procedemento de avaliación, regulado no título II do Decreto 15/2016, establécese que as propostas de avaliación serán sometidas ao ditame do Consello de Avaliación Documental de Galicia, que elaborará as táboas de avaliación documental. Unha vez aprobadas as táboas de avaliación polo titular da consellería competente en materia de arquivos e patrimonio documental, disporá a súa publicación no Diario Oficial de Galicia mediante un extracto, sen prexuízo de facelas públicas na páxina web da consellería.
De acordo con esta normativa e procedemento, as series documentais que se mencionan nesta orde foron presentadas ao Consello de Avaliación Documental de Galicia que, na súa sesión do 25 de xuño de 2026, emitiu o seu ditame a través das táboas de avaliación documental que se elevan para a súa aprobación ao titular da consellería competente en materia de arquivos e patrimonio documental.
Para estes efectos, no exercicio das facultades que me confire o artigo 34 da Lei 1/1983, do 22 de febreiro, reguladora da Xunta e do seu presidente, modificada parcialmente pola Lei 11/1988, do 20 de outubro, e de conformidade co disposto na Lei 7/2014, do 26 de setembro, de arquivos e documentos de Galicia, así como nas normas de desenvolvemento,
RESOLVO:
Primeiro
Aprobar as táboas de avaliación documental cuxos extractos se recollen no anexo a esta orde e que corresponden ás seguintes series documentais procedentes da Administración autonómica e da Administración local, ditaminadas polo Consello de Avaliación Documental de Galicia na súa sesión do 25 de xuño de 2026:
Administración autonómica:
• T0157: expedientes dos cursos de formación en lingua galega e preparatorios para acceso ás probas de certificación de nivel de coñecemento do idioma galego, destinados a adultos e colectivos (AA0426).
• T0158: expedientes de liquidación do imposto sobre sucesións e doazóns (AA0633).
• T0159: expedientes de liquidación do imposto sobre transmisións patrimoniais e actos xurídicos documentados (AXD) (AA0634).
• T0160: expedientes de axudas dos plans de renovación de instalacións e equipamentos enerxéticos (AA1631).
• T0161: expedientes de xestión da renda básica de emancipación na Comunidade Autónoma de Galicia (AA4345).
• T0162: expedientes de expedición do certificado da ausencia de sancións por infraccións en materia de protección animal ou en materia de tenza de animais potencialmente perigosos (AA5591).
Administración local:
• T0163: padrón do imposto de bens inmobles (IBI) (AL0949).
Segundo
Ordenar a publicación das táboas de avaliación documental das mencionadas series, mediante un extracto, no Diario Oficial de Galicia.
Esta orde terá eficacia desde o día seguinte ao da súa publicación no Diario Oficial de Galicia.
Terceiro
Contra este acto, que esgota a vía administrativa, as persoas interesadas poderán interpoñer un recurso potestativo de reposición ante o mesmo órgano que o ditou, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnalo ante o órgano competente da orde xurisdicional contencioso-administrativa, no prazo de dous meses contados desde a mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de agosto de 2026
José López Campos
Conselleiro de Cultura, Lingua e Xuventude
ANEXO
Extractos das táboas de avaliación de series documentais
Táboa T0157.
Código da serie: AA0426.
Denominación: expedientes dos cursos de formación en lingua galega e preparatorios para acceso ás probas de certificación de nivel de coñecemento do idioma galego, destinados a adultos e colectivos.
Procedencia: Política Lingüística.
Datas extremas da serie: 1983-(serie aberta).
Datas extremas da fracción de serie avaliada: 1983-2025.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central aos 2 anos desde a finalización do procedemento.
• Arquivo intermedio aos 4 anos desde a finalización do procedemento.
• Arquivo histórico aos 4 anos desde a finalización do procedemento.
Selección: eliminación parcial.
• Conservación dos informes/memorias dos cursos, actas de avaliación final, copias dos títulos emitidos e a documentación relacionada co nomeamento e pagamento do persoal docente colaborador.
• Poderase eliminar o resto da documentación aos 4 anos desde a finalización do procedemento.
Táboa T0158.
Código da serie: AA0633.
Denominación: expedientes de liquidación do imposto sobre sucesións e doazóns.
Procedencia: Facenda. Xestión tributaria.
Datas extremas da serie: 1985-(serie aberta).
Datas extremas da fracción de serie avaliada: 1985-2025.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central ao ano desde o peche do exercicio económico.
• Arquivo intermedio aos 5 anos desde o peche do exercicio económico.
• Arquivo histórico aos 50 anos desde o peche do exercicio económico.
Selección: conservación permanente.
Táboa T0159.
Código da serie: AA0634.
Denominación: expedientes de liquidación do imposto sobre transmisións patrimoniais e actos xurídicos documentados (AXD).
Procedencia: Facenda. Xestión tributaria.
Datas extremas da serie: 1985-(serie aberta).
Datas extremas da fracción de serie avaliada: 1985-2025.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central ao ano desde o peche do exercicio económico.
• Arquivo intermedio aos 5 anos desde o peche do exercicio económico.
• Arquivo histórico aos 10 anos desde o peche do exercicio económico.
Selección: eliminación parcial.
• Conservación dos expedientes que conteñen documentos privados.
• Poderanse eliminar os expedientes que figuren en XEITO (aplicación informática de xestión tributaria) e que non conteñen documentos privados aos 10 anos da finalización da tramitación.
Táboa T0160.
Código da serie: AA1631.
Denominación: expedientes de axudas dos plans de renovación de instalacións e equipamentos enerxéticos.
Procedencia: Industria. Enerxía.
Datas extremas da serie: 2005-2024.
Datas extremas da fracción de serie avaliada: 2005-2024.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central ao ano da finalización do procedemento.
• Arquivo intermedio aos 5 anos desde a finalización do procedemento.
• Arquivo histórico aos 15 anos desde a finalización do procedemento.
Selección: eliminación parcial.
• Conservación dos expedientes xerais (documentos de tramitación da orde, resolución ou convenio; actas da Comisión de Valoración e o convenio aberto de colaboración) e os datos electrónicos que se atopan en diversos soportes nos servidores do Inega e da consellería e tamén no XUMCO (aplicación informática para xestión contable e tesouraría).
• Poderanse eliminar os expedientes individuais aos 5 anos da finalización do procedemento. Conservarase unha mostra dun expediente por cada serie específica, ano e organismo tramitador.
Táboa T0161.
Código da serie: AA4345.
Denominación: expedientes de xestión da renda básica de emancipación na Comunidade Autónoma de Galicia.
Procedencia: Vivenda.
Datas extremas da serie: 2008-2021.
Datas extremas da fracción de serie avaliada: 2008-2021.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central ao ano desde a resolución de finalización da axuda.
• Arquivo intermedio ao ano desde a resolución de finalización da axuda.
• Arquivo histórico aos 4 anos desde a resolución de finalización da axuda.
Selección: eliminación total aos 4 anos desde a última concesión mensual da axuda. Conservarase unha mostra de 5 expedientes por provincia e ano. Conservaranse os datos informáticos existentes sobre estas axudas para o seu tratamento estatístico.
Táboa T0162.
Código da serie: AA5591.
Denominación: expedientes de expedición do certificado da ausencia de sancións por infraccións en materia de protección animal ou en materia de tenza de animais potencialmente perigosos.
Procedencia: Conservación da Natureza.
Datas extremas da serie: 2000-(serie aberta).
Datas extremas da fracción de serie avaliada: 2000-2026.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo central ao ano desde a expedición do certificado.
• Arquivo intermedio ao ano desde a expedición do certificado.
• Arquivo histórico aos 5 anos desde a expedición do certificado.
Selección: eliminación total aos 5 anos desde a expedición do certificado. Conservarase unha mostra dun exemplar por unidade tramitadora e ano.
Táboa T0163.
Código da serie: AL0949.
Denominación: padrón do imposto de bens inmobles (IBI).
Procedencia: Concellos. Xestión tributaria.
Datas extremas da serie: 1955-(serie aberta).
Datas extremas da fracción de serie avaliada: 1955-2025.
Ditame do Consello de Avaliación Documental na sesión do 25 de xuño de 2026.
Acceso restrinxido. 30 anos.
Transferencias:
• Arquivo municipal aos 5 anos da finalización do procedemento administrativo.
Selección: eliminación total aos 20 anos desde a finalización do procedemento administrativo. Conservaranse como mostra os padróns dos anos rematados en 0.