A titularidade do centro privado Ilerna da Coruña solicita a autorización de apertura e funcionamento para impartir o ciclo formativo de grao superior (CS) Administración e finanzas, o CS Desenvolvemento de aplicacións web e o CS Desenvolvemento de aplicacións multiplataforma.

Logo de tramitar o expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,

DISPOÑO:

Artigo 1. Autorización de ensinanzas

Autorizar a apertura e o funcionamento do centro privado que se sinala a continuación:

Denominación xenérica: centro privado (CPR).

Denominación específica: Ilerna.

Código do centro: 15033368.

Domicilio: avenida Finisterre, número 315-317.

Localidade: A Coruña.

Concello: A Coruña.

Código postal: 15008.

Provincia: A Coruña.

Titular: Ilerna On Line, S.L.

Ensinanzas que se autorizan:

• Réxime ordinario, modalidade presencial.

• CS Administración e finanzas (2 unidades para 30 postos escolares/unidade).

• CS Desenvolvemento de aplicacións web (2 unidades para 20 postos escolares/unidade).

• CS Desenvolvemento de aplicacións multiplataforma (2 unidades para 20 postos escolares/unidade).

Artigo 2. Inicio da actividade

Para a posta en funcionamento das ensinanzas que se autorizan, o Departamento Territorial da Consellería de Educación, Ciencia, Universidades e Formación Profesional da Coruña, logo do informe do Servizo Territorial de Inspección Educativa, aprobará expresamente a relación de persoal que impartirá docencia no devandito centro, así como o equipamento axeitado.

Artigo 3. Inscrición no Rexistro de Centros

Esta orde dará lugar á correspondente inscrición no Rexistro de Centros da Comunidade Autónoma de Galicia.

Artigo 4. Revisión da autorización

O centro queda obrigado a cumprir a normativa vixente e a solicitar a oportuna revisión cando teña que modificarse calquera dos datos que se sinalan nesta orde.

Disposición derradeira primeira. Recursos

Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo, no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira segunda. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 11 de setembro de 2026

Román Rodríguez González
Conselleiro de Educación, Ciencia,
Universidades e Formación Profesional