En sesión que tivo lugar o 24 de setembro de 2026, o tribunal nomeado pola Resolución do 9 de setembro de 2025 (DOG núm. 176, do 12 de setembro) para cualificar o proceso selectivo para o ingreso, mediante o sistema de oposición polas quendas de acceso libre e promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, escala operativa do Servizo de Gardacostas de Galicia, especialidade de patrón, convocado pola Resolución do 14 de maio de 2025 (DOG núm. 98, do 23 de maio),

RESOLVE:

Primeiro. Publicar como anexo a esta resolución a relación de aspirantes que superaron o proceso selectivo, por orde de puntuacións obtidas. Ao existir empate na puntuación de dous aspirantes, a orde de prelación vén determinada polo disposto na base IV.1 da convocatoria, e neste caso acódese á puntuación obtida na parte de contido teórico do primeiro exercicio. De conformidade coa base IV.2 da convocatoria, as persoas aspirantes disporán dun prazo de vinte (20) días hábiles, contados a partir do día seguinte ao da publicación no DOG desta resolución, para presentaren a documentación prevista na citada base.

Segundo. Elevar esta relación á persoa titular da Dirección Xeral de Emprego Público e Administración de Persoal para os efectos de que as persoas que figuran nela sexan propostas para o seu nomeamento como persoal funcionario de carreira.

Terceiro. De acordo co disposto na base III.13 da convocatoria, contra este acordo poderase interpor recurso de alzada, ante a persoa titular da Consellería de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 24 de setembro de 2026

José Antonio Baliñas Pazos
Presidente do tribunal

ANEXO

Relación de aspirantes que superaron o proceso selectivo

Acceso libre

Nº de orde	NIF	Apelidos e nome	1º exercicio	2º exercicio	Total
1	***9732**	González Valle, Santiago	92,14	Apto	92,14
2	***2897**	Piñeiro Gómez, Diego	91,78	Apto	91,78
3	***1157**	Iglesias Pereira, Brandán	87,85	Apto	87,85
4	***9636**	García Meilán, Marcos	82,32	Apto	82,32
5	***5063**	Martínez Varela, Iván	82,14	Apto	82,14
6	***1372**	Carabelos González, David	76,78	Apto	76,78
7	***2030**	Sambad Castro, Abraham	72,67	Apto	72,67
8	***9755**	Dubra Bello, Yolanda	67,14	Apta	67,14
9	***0901**	Pérez Caamaño, Aarón	67,14	Apto	67,14

Ao existir empate na puntuación dos aspirantes que figuran nos postos 8 e 9, a orde de prelación veu determinada pola aplicación do disposto na base IV.1, e neste caso acudiuse como criterio de desempate á puntuación obtida na parte de contido teórico do primeiro exercicio: 60,25 respostas netas acertadas dun total de 90, obtidas pola aspirante que figura no posto 8, fronte a 57,50 respostas netas acertadas do aspirante que figura no posto 9.

Promoción interna

Nº de orde	NIF	Apelidos e nome	1º exercicio	2º exercicio	Total
1	***6603**	Outeiro Padim, Heladio	68,47	Apto	68,47