XuntaEu

XuntaEu é unha app pensada para axudarche a relacionarte coa administración electrónica da Xunta de Galicia. Permite, entre outros servizos, xestionar o teu usuario de Chave365 (cambiar clave de acceso, renovala, modificar o teléfono móbil ou dárse de baixa), consultar expedientes e presentacións igual que na sede electrónica, consultar as túas notificacións electrónicas, outorgar apoderamentos, realizar o pago de taxas etc. Tamén se pode empregar para comprobar a validez dos documentos asinados electronicamente (CVE) ou consultar os teus certificados ou tarxetas para que os teñas sempre a man. 

Esta aplicación ofrece tamén a posibilidade de consultar todos os documentos que o/a cidadán teña presentado en relación cos seus trámites (xa fose como interesado/a ou representante) a través do rexistro electrónico da Xunta de Galicia ou, presencialmente, nas Oficinas de atención á cidadanía e de rexistro.

XuntaEu tamén che axudará a manter os teus datos actualizados e seguros e avisarate de novidades, citas previas...

Para acceder a XuntaEu é necesario dispoñer de Chave365, do DNIe ou dun certificado electrónico.