A Xunta de Galicia lamenta o pasamento de Javier Gómez Navarro, “figura chave dos xogos de Barcelona 92 como secretario de Estado para o Deporte”
Destaca as iniciativas impulsadas por el, como o programa ADO ou a reforma da Lei do Deporte en 1990
Santiago de Compostela, 29 de agosto de 2024
O conselleiro de Presidencia, Xustiza e Deportes, Diego Calvo, no nome de todo o tecido deportivo galego, vén de expresar o seu pesar polo falecemento de Javier Gómez Navarro, “un home que impulsou o deporte nacional cara á modernidade”.
O conselleiro destacou a figura de Javier como “chave nos Xogos Olímpicos e Paralímpicos de Barcelona 1992, sendo unha das súas principais contribucións nos seus anos como secretario de Estado e presidente do Consejo Superior de Deportes entre 1987 e 1993”.
O mandatario galego destacou outras iniciativas impulsadas por Javier Gómez Navarro, como o programa ADO, que permitiu axudar á participación dos deportistas españois nos Xogos, ou a reforma da Lei do Deporte en 1990.
