Santiago de Compostela, 13 de xuño de 2025

O seguimento da folga sanitaria convocada contra o Estatuto Marco promovido polo Goberno central, na súa quenda de tarde, foi do 2,42 % nos centros sanitarios da comunidade galega.

Así, a porcentaxe de participación nos sete grandes hospitais do Servizo Galego de Saúde, na quenda de tarde, acadou o 2,92 %. En canto aos hospitais comarcais, non houbo seguimento e polo tanto é do 0 %. No seu conxunto, a actividade hospitalaria contou cunha participación na folga do 2,47 %.

Pola súa banda, no que respecta á atención primaria o seguimento da folga en rexeitamento do borrador presentado polo Ministerio de Sanidade acadou o 2,34 % de participación.

A Sanidade pública galega está a responder axeitadamente a todas as urxencias que se presentaron ata o de agora nos centros sanitarios galegos. Así, a Xunta seguirá traballando para ofrecer unha atención óptima a todos os cidadáns e para acadar as mellores condicións laborais para o conxunto de profesionais, ben sexa na atención primaria ou hospitalaria.