Santiago de Compostela, 16 de febreiro de 2026

O Servizo Galego de Saúde publica hoxe, no Diario Oficial de Galicia, as puntuacións definitivas e os aspirantes seleccionados nos procesos selectivos, convocados mediante o sistema de concurso- oposición, para o ingreso en diversas categorías de persoal estatutario de xestión e servizos e de persoal estatutario sanitario de formación profesional.

En particular, cóbrense 43 prazas do grupo auxiliar da función administrativa, na quenda reservada a persoas con discapacidade intelectual; 26 prazas do grupo de xestión da función administrativa; e 2 do grupo técnico da función administrativa.

Nas categorías de técnico superior, publícanse os seleccionados para 8 prazas de anatomía patolóxica e citoloxía; 16 de dietética; 8 de documentación sanitaria; e 121 de técnico superior en laboratorio de diagnóstico clínico.

Cada aspirante poderá consultar, ademais, o detalle da puntuación obtida nas distintas epígrafes do baremo no seu expediente electrónico persoal en Fides/expedient-e/sección de procesos.

Coa publicación desta resolución ábrese o prazo de 10 días hábiles, contados a partir do día hábil seguinte ao da publicación desta resolución (polo tanto, do 18 de febreiro de 2026 ao 3 de marzo de 2026), para que os aspirantes que foron seleccionados nestes procesos presenten a documentación correspondente.

Os seleccionados poden dirixir todas as dúbidas e consultas relacionadas con estes procesos selectivos ao enderezo de correo electrónico: oposicions@sergas.es. Estas consultas non terán a consideración de reclamacións nin recursos.