A conselleira María Martínez Allegue mantén unha reunión de traballo co alcalde de Lousame
Santiago de Compostela, 24 de febreiro de 2026
A conselleira de Vivenda e Planificación de Infraestruturas, María Martínez Allegue, mantivo hoxe unha reunión de traballo co alcalde de Lousame, Esteban Ares.
No encontro mantido esta tarde en San Caetano, ao que tamén asistiu a directora territorial da Consellería na Coruña, Begoña Freire, abordáronse diferentes actuacións en materia de infraestruturas, de interese para este municipio.
A reunión enmárcase na liña de colaboración que vén mantendo o departamento que dirixe María M. Allegue cos concellos, prestándolles apoio para executar actuacións que contribúan a mellorar a calidade de vida da veciñanza e a reforzar a competitividade económica.
Imaxes relacionadas
Data de actualización: 24/02/2026
