A Xunta licita por 60.000 euros a subministración de 15 cadeiras de brazos con destino ao Hospital de Día Oncolóxico de área sanitaria de Ferrol
O novo equipamento permitirá garantir unha maior comodidade e seguridade dos pacientes durante os seus tratamentos
As empresas interesadas en participar neste procedemento teñen ata o vindeiro 28 de outubro para presentar as súas ofertas
Santiago de Compostela, 14 de outubro de 2026
A Xunta vén de publicar no Portal de contratos Públicos de Galicia, a licitación, por un importe de 60.076,50 euros, da subministración de 15 cadeiras de brazos con destino ao Hospital de Día Oncolóxico da área sanitaria de Ferrol.
O material deberá contar con respaldo e repousapernas regulables electricamente, posición RCP para a realización de compresións torácicas, batería, rodas con freo e soportes para soros.
Así mesmo, as cadeiras de brazos que se deberán subministrar deberán incluír unha mesa extraíble para dietas, dispoñer de repousabrazos adaptables, ser sinxelos de limpar e soportar un peso de 180 quilos, entre outros.
O equipamento previsto no marco deste contrato busca garantir unha maior comodidade e seguridade dos pacientes durante os seus tratamentos.
As empresas interesadas en participar neste procedemento teñen ata o vindeiro 28 de outubro para presentar as súas ofertas.
