Actualidade
Ten dispoñibles para consulta 601 novas da área temática Auga:
A Xunta completa as primeiras actuacións para evitar que as cinzas cheguen aos ríos de Galicia-Costa e intensificará os labores de protección fluvial
Rueda resalta que o Goberno autonómico leva semanas “traballando para previr as posibles consecuencias dos lumes” nos ríos
A Xunta inicia as obras de ampliación do saneamento da parroquia de Santa María, en Melide
Esta actuación, que supón un investimento de máis de 150.000 euros e cuxa duración estimada é de dous meses, consiste na execución dun novo colector de 453 metros e de 10 pozos de rexistro que permitirán conectar unha ducia de vivendas á rede municipal
A Xunta mantén a situación de prealerta por escaseza moderada de auga nos ríos Grande, en Camariñas, onde melloran os niveis, e Lérez, en Pontevedra
Ángeles Vázquez incide na concienciación cidadá sobre a escaseza de auga e da necesidade de fomentar o aforro e, dentro do espírito de colaboración, apela á implicación dos concellos para establecer as medidas que consideren apropiadas
A Xunta licita por 462.000 € o servizo de apoio a Augas de Galicia no control da adaptación de presas, encoros e balsas ás novas normas técnicas de seguridade
As empresas interesadas teñen de prazo ata o vindeiro 15 de setembro para presentar as súas ofertas e o labor da adxudicataria consistirá na supervisión da documentación relativa ao estado destas instalacións e á realización das correspondentes inspeccións neste eido
A Xunta activa a situación de prealerta por escaseza moderada de auga nos sistemas do río Lérez, en Pontevedra, e do río Grande, en Camariñas
A maiores, tamén se aplicarán medidas equivalentes no subsistema de Baiona, desde o cal se abastece a poboación deste municipio pontevedrés
A Xunta lanzará este mes unha campaña para concienciar ao conxunto da cidadanía sobre o uso responsable e eficiente da auga
Ángeles Vázquez lembra a importancia de manter boas prácticas no consumo de auga todo o ano, pero especialmente no verán cando a súa dispoñibilidade é menor e a demanda sobe en moitas localidades ao aumentar a poboación polo turismo
A Xunta licita por máis de 3,8 M€ o control e seguimento de 127 depuradoras galegas con capacidade para dar servizo a unha poboación de máis de 2.000 persoas
O contrato ten como obxectivo axudar na supervisión, vixilancia e inspección das infraestruturas hidráulicas competencia das entidades locais para dar un mellor servizo á cidadanía e velar pola calidade das augas na súa área de influencia
A Xunta destina máis de 25 M€ a ampliar a depuradora de Vilagarcía de Arousa para duplicar a súa capacidade e dar servizo a arredor de 100.000 persoas
Ángeles Vázquez destaca que o Executivo galego aporta o 80% dos 31 millóns de euros necesarios para executar as actuacións e o Concello, o 20% restante
A Xunta realiza labores de conservación en varios tramos fluviais que suman preto de 2 quilómetros no concello pontevedrés de Oia
As tarefas que realiza Augas de Galicia prolongaranse durante arredor de cinco semanas e inclúen a retirada tanto de árbores caídas como de biomasa das canles fluviais para evitar atoamentos
A primeira parte das obras de mellora da rede de saneamento e depuración no rural de Ferrol incidirá en seis parroquias cun investimento de máis de 5,7 M€
Ángeles Vázquez salienta que as actuacións, nas que a Xunta aporta o 70% do investimento e o Goberno local o 30% restante, beneficiarán a 1.350 habitantes de distintos núcleos de Brión, Covas, A Cabana e A Graña, Doniños e Esmelle
