Arias anima a desfrutar dos descontos do 50 % que ofece o Bono Cultura da Xunta nos negocios lucenses adheridos

O delegado territorial da Xunta en Lugo, Javier Arias, animou hoxe aos consumidores a desfrutar dos descontos do 50% que ofrece o Bono Cultura da Administración autonómica nos negocios do eido cultural adheridos na provincia de Lugo.

Explicou que ata o de agora participan máis de 60 empresas lucenses, 23 delas da capital, e apuntou que os establecementos do ramopoden seguir sumándose a través da páxina web bonocultura.gal. A campaña durará ata o 31 de decembro.

No transcurso dunha visita a dúas librarías de Lugo inscritas, Trama e Totem, Arias salientou o éxito desta segunda edición entre os clientes, “que responderon de forma masiva esgotando os bonos en tempo récord, polo que agardamos que de aquí a finais de ano a medida deixe un impacto positivo no sector”.

Os beneficiarios do Bono Cultura obteñen descontos ata unha contía máxima de 50 euros por persoa no consumo de música gravada en formato CD ou vinilo; produtos audiovisuais como películas ou series en formato físico; libros e videoxogos; entradas para salas de cine, concertos de música e espectáculos escénicos; tíckets para instalacións culturais como museos e calquera outro tipo de bens culturais.

Arias afirmou que “a anterior edición deste programa buscaba reactivar o consumo no eido cultural a nivel local despois da pandemia”, e “nesta ocasióno obxectivo éaxudar a reforzar o sector no actual contexto económico marcado pola suba de prezos”.

Na mesma liña a Xunta impulsa outras iniciativas para dinamizar o comercio de proximidade, como o Bono Activa Comercio, con descontos ata un máximo de 30 euros para gastar ata o 31 de decembro. O bono esgotouse entre os consumidores nos tres primeiros días desde que abriu o prazo de presentación de solicitudes e os negocios poden seguir inscribíndose para participar na campaña ata finais de novembro. Na provincia de Lugo hai actualmente uns 870 establecementos participantes.