Fabiola García felicita os traballadores xubilados da Fundación San Rosendo
Cenlle (Ourense), 4 de abril de 2024
A conselleira de Política Social e Xuventude en funcións, Fabiola García, asistiu esta tarde á homenaxe anual que a Fundación San Rosendo realiza os seus traballadores xubilados. Durante a súa intervención, felicitounos pola nova etapa que agora se lles abre e agradeceulles todo o traballo e dedicación amosado durante estes anos cos usuarios da entidade.
Así mesmo, a conselleira en funcións puxo en valor a empatía da Fundación San Rosendo por recoñecer a través deste acto o traballo dos seus traballadores ao longo dos anos. Neste sentido, sinalou que a Fundación San Rosendo demostra que, ademais de ser unha entidade comprometida coas persoas maiores, representa unha gran familia para todos os seus profesionais.
Imaxes relacionadas
