Santiago de Compostela, 22 de outubro de 2024

O secretario xeral de Industria e Desenvolvemento Enerxético, Nicolás Vázquez, e a xerente da sociedade Solo Empresarial do Atlántico, Beatriz Sestayo, mantiveron hoxe un encontro no que abordaron posibles vías de colaboración para fomentar a implantación de novas empresas en Galicia ou a ampliación das que xa están asentadas na Comunidade. Trátase de impulsar novos sectores industriais estratéxicos; detectar e integrar novas cadeas de valor; promocionar a formación, a atracción de talento e o emprego de calidade; e mellorar a competitividade da industria galega.