Román Rodríguez gaba os programas de intercambio no ensino como “unha oportunidade” para que Galicia sexa “exportadora de boas prácticas educativas”
Santiago de Compostela, 15 de febreiro de 2025
O conselleiro de Educación, Ciencia, Universidades e FP, Román Rodríguez, abriu esta mañá as xornadas formativas Internacionaliza a túa escola, onde arredor de 260 docentes de Primaria e Secundaria debaten sobre os programas Erasmus+ e eTwinning a través de charlas e talleres que abordan aspectos como a inclusión e a sostibilidade, entre outros.
O representante do Goberno galego salientou a importancia destes programas de intercambio que supoñen un “enriquecemento mutuo” para fortalecer vínculos entre os sistemas educativos. O conselleiro, ademais de agradecer a implicación e o compromiso do profesorado coa súa formación continua, emprazounos a aproveitar estes programas de internacionalización para que Galicia “se converta non soamente en receptora de coñecemento, senón tamén en exportadora activa de boas prácticas” no ensino.
Imaxes relacionadas
