Melide (A Coruña), 5 de abril de 2025

A conselleira de Medio Ambiente e Cambio Climático, Ángeles Vázquez, asistiu hoxe á primeira xornada da Supercopa Galicia Terra de Melide de rastro de xabaril con cans a corda, na que participarán arredor dun cento de monteiros procedentes de Galicia e doutras comunidades autónomas como Asturias, Cantabria, País Vasco, Navarra, Castela e León ou Estremadura.

Esta 12ª edición dunha proba  que está considerada como unha das mellores de España para cans rastrexadores terá continuidade a vindeira fin de semana e estímase que, en total, participarán preto de 100 cans.