O conselleiro de Presidencia, Xustiza e Deportes, Diego Calvo, acompañado do secretario xeral para o Deporte, José Ramón Lete Lasa e da directora xeral de Administración Local, Natalia Prieto, mantivo unha reunión co alcalde de Beariz, Manuel Prado. No encontro abordáronse as principais necesidades deste municipio e avaliáronse posibles vías de colaboración desde a Xunta no marco do compromiso do Goberno galego co eido local.