Vedra (A Coruña), 17 de xuño de 2025

Un total de 45 centros educativos participaron ao longo deste curso no programa Menores nin unha pinga, promovido pola Xunta de Galicia en colaboración coa Fundación Alcohol y Sociedad, co fin de levar ás aulas iniciativas orientadas á prevención do consumo de alcohol en menores.

No marco deste programa, aliñado cos obxectivos da Estratexia galega de convivencia escolar 2025, a directora xeral de Ordenación e Innovación Educativa, Judith Fernández, asistiu hoxe a unha das sesións de sensibilización organizadas no Colexio Público Integrado CPI de Vedra para abordar o consumo de bebidas alcohólicas entre estudantes de Educación Secundaria.

A sesión tivo como finalidade proporcionar información contrastada, promover a reflexión e contribuír á prevención de condutas de risco. A representante da Consellería de Educación, Ciencia, Universidades e FP subliñou a importancia de conferencias como esta e “a necesidade de educar desde as aulas sobre bos hábitos, saúde e responsabilidade individual”.

O programa Menores nin unha pinga pon a disposición dos centros educativos ferramentas pedagóxicas, materiais informativos e formación específica para o profesorado e o alumnado. A súa finalidade é reducir a normalización social do consumo de alcohol entre as novas xeracións, fomentar a análise crítica e reforzar a capacidade de decisión da mocidade fronte a este tipo de comportamentos.

Centros participantes