Cerdedo-Cotobade (Pontevedra), 23 de xullo de 2025

O delegado territorial da Xunta en Pontevedra, Agustín Reguera, visitou esta mañá as obras de dotación de saneamento que se están a levar a cabo en varias zonas da parroquia de Tenorio grazas a un convenio entre o concello de Cerdedo-Cotobade e Augas de Galicia. 

Os traballos beneficiarán a preto de corenta vivendas dos lugares de Torrevella, Traslamós e  Covas e foron posibles grazas a unha achega da Xunta de máis de 330.000 euros, que supón o 80 %  do orzamento dispoñible para esta actuación, sendo que o 20 % restante foi asumido polo concello. 

Ademais da instalación do saneamento, a actuación prevé unha renovación do firme das zonas nas que se están a levar a cabo os traballos. 

Neste sentido, o delegado territorial aproveitou a visita para lembrar a importancia da colaboración entre institucións e de “confiar no criterio dos alcaldes e alcaldesas que son quen mellor coñece as necesidades dos seus concellos”.