Mos (Pontevedra), 17 de outubro de 2025

O director xeral de Gandaría, Agricultura e Industrias Agroalimentarias, José Balseiros, participou esta tarde no V Foro da Muller Rural Galega, celebrado na Cidade Deportiva Afouteza do concello de Mos. Neste acto, no que estivo acompañado pola alcaldesa da localidade, Nidia Arévalo, o director reafirmou a aposta da Xunta pola igualdade plena da muller no agro, mediante iniciativas como os Estatutos, actualmente en trámite, das mulleres do rural e do sector marítimo-pesqueiro, así como o Observatorio das Mulleres Rurais e do Mar de Galicia, ou as diferentes liñas de apoio á incorporación ao sector agrogandeiro.