A Xunta adxudica por preto de medio millón de euros dúas salas dixitais e robotizadas de radiodiagnóstico do Hospital Novo Montecelo de Pontevedra
Están destinadas ao novo servizo de urxencias
O Servizo Galego de Saúde planificou a dotación de equipamento do novo hospital en dúas fases por preto de 55 M€
Santiago de Compostela, 27 de outubro de 2025
A Xunta adxudicou o lote 1 do contrato de subministración de equipamento de alta tecnoloxía con destino a diversos hospitais do Servizo Galego de Saúde e que se corresponde con dúas salas de radiodiagnóstico dixitais e robotizadas con suspensión de teito para o Hospital Público Novo Montecelo de Pontevedra.
Resultou adxudicataria a empresa General Electric Healthcare España S.A.U. por importe de 496.100 euros.
Este equipamento ten como destino o novo servizo de urxencias do hospital pontevedrés.
O investimento forma parte da primeira fase de equipamento do Hospital Novo Montecelo planificada polo Servizo Galego de Saúde dotada con 30 millóns de euros.
