Lugo, 2 de marzo de 2026

A directora xeral de Planificación e Ordenación Forestal, Luisa Piñeiro, reuniuse esta mañá coa alcaldesa de Paradela, Montserrat Mulet, para avanzar na súa cooperación a prol do desenvolvemento do sector forestal nesta localidade.

O concello de Paradela é un dos municipios que forma parte do plan piloto de recuperación de soutos tradicionais impulsado pola Consellería do Medio Rural para favorecer o seu aproveitamento a través das agrupacións forestais de xestión conxunta. Neste concello, o proxecto abrangue unha superficie de 46 hectáreas na contorna do río Loio.