A Guarda (Pontevedra), 16 de xuño de 2026

O director xeral de Comercio e Consumo, Gabriel Alén, participou na entrega de premios da campaña Merca no teu comercio desenvolvida na Guarda no marco da colaboración da Xunta coa Federación Galega de Comercio. Neste contexto, subliñou o valor de accións coma esta no pulo ás vendas do comercio local, xa que con ela se percorren 40 localidades que non contan con centros comerciais abertos, chegando a máis de 60 asociacións de comerciantes.

Desde hoxe —ata o 30 de xuño— está en marcha unha nova campaña da iniciativa tras as realizadas en maio —onde se enmarca esta entrega da Guarda— e na primeira quincena de xuño. En todas estas campañas quincenais, que se prolongarán ata outubro, entrégase en cada caso 20 tarxetas regalo por valor de 50 €. As persoas interesadas deben rexistrar a súa compra na web www.mercanoteucomercio.com, onde poden atopar máis información sobre a campaña. Ademais, o comerciante tamén poderá deixar constancia da compra, duplicando así as posibilidades da clientela de gañar. Cómpre sinalar que en 2025 se rexistraron máis de 92.000 participacións nos distintos concellos.