Santiago de Compostela, 22 de xuño de 2026.

O director da Axencia Galega da Calidade Alimentaria, dependente da Consellería do Medio Rural, Martín Alemparte, reuniuse este mediodía co alcalde de Xinzo de Limia, Amador Díaz. O encontro serviu para avaliar diferentes vías de colaboración entre ambas as partes en materia de impulso á formación agraria. Cómpre lembrar, neste sentido, que a devandita axencia ten entre as súas competencias o fomento da actividade formativa, así como o desenvolvemento da I+D+i e a transferencia de coñecementos ao agro.