Vilanova de Arousa (Pontevedra), 7 de agosto de 2026

O director xeral de Comercio e Consumo, Gabriel Alén, asistiu hoxe á XXII Feira de oportunidades de Vilanova de Arousa, organizada pola Asociación de Comercios Vilanova Centro e apoiada pola Xunta. Alí, salientou esta iniciativa dinamizadora das vendas de proximidade que terá lugar deica o domingo na praza do Concello e na avenida do Recheo, coincidindo coa XXXII Festa do mexillón e do berberecho.

O director xeral puxo en valor os descontos dispoñibles en moda, calzado, produtos do fogar, complementos ou agasallos, así como a programación complementaria con gastronomía ou música para animar a mercar no comercio de Vilanova de Arousa. Destacou ademais a importancia de seguir dando pulo a activades de este tipo e neste ámbito puxo de relevo o papel dos centros comerciais abertos entre os que este ano se repartiron 2,35 M€ a través das axudas destinadas a estas entidades co fin de consolidalas —no marco do Plan estratéxico do comercio de Galicia 2025-2030— como axentes fundamentais do tecido económico local, dinamizadores de vilas e cidades.