Monforte de Lemos (Lugo), 12 de novembro de 2026

A directora xeral de Traballo Autónomo e Economía Social, Marta Vázquez Guzmán, participou hoxe no II Encontro de correlacións empresariais organizado no Polo de emprendemento e apoio ao emprego de Monforte de Lemos. Alí, puxo en valor o evento pola súa capacidade para reunir persoas emprendedoras da contorna co gallo de dar visibilidade aos seus proxectos e de descubrir posibles colaboracións e sinerxías.

Nese senso, a directora xeral convidou ás iniciativas participantes a pór sobre a mesa as súas experiencias e necesidades co afán de —a través do diálogo e da reflexión— extraer conclusións en beneficio de todas. Nese contexto, recordou o asesoramento gratuíto e personalizado que ofrece a Rede de polos de emprendemento e apoio ao emprego, con 15 oficinas espalladas polo territorio galego. No caso da provincia de Lugo, ademais do de Monforte, funcionan os de Mondoñedo, Friol, A Fonsagrada e Sarria.