Extinguido o incendio forestal rexistrado no concello ourensán de Calvos de Randín, parroquia de Randín
Segundo as últimas medicións, o lume afectou a 0,28 hectáreas de monte raso dentro do Parque Natural Baixa Limia-Serra do Xurés
Santiago de Compostela, 1 de marzo de 2023
A Consellería do Medio Rural informa de que o incendio forestal do concello ourensán de Calvos de Randín, parroquia de Randín, quedou extinguido ás 19,56h.
O lume iniciouse ás 18,00 h. e segundo as últimas medicións, afectou a 0,28 hectáreas de monte raso dentro do Parque Natural Baixa Limia-Serra do Xurés. En total, mobilizáronse para o seu control 1 axente, 1 brigada, 1 motobomba e 1 helicóptero.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.
