A Xunta mellorará o acceso desde a estrada AC-240 aos núcleos de Oca de Arriba e Oca de Abaixo, en Touro

A actuación, cun investimento de máis de 48.000 €, comezará nas vindeiras semanas

Trátase da mellorar a seguridade no acceso a estes núcleos desde a marxe esquerda da estrada, no quilómetro 5+490, á altura da Maroxa, cun importante tránsito de maquinaria agrícola

Executaranse carrís de aceleración e deceleración cun ancho de 3,50 metros para cada un, de modo que se adecúen as velocidades dos vehículos que transitan pola AC-240

A Xunta continúa traballando na conservación e mellora da rede viaria autonómica co fin de proporcionar aos cidadáns unhas estradas seguras e eficientes

Santiago de Compostela, 5 de marzo de 2023

A Consellería de Infraestruturas e Mobilidade mellorará o acceso desde a estrada autonómica AC-240 aos núcleos de Oca de Arriba e Oca de Abaixo, no concello de Touro.

Esta intervención, cun investimento autonómico de máis de 48.000 euros, foi adxudicada á empresa Construcciones López Cao, S.L. e comezará nas vindeiras semanas.
 
Trátase de mellorar a seguridade viaria do acceso a estes núcleos de Oca de Arriba e Oca de Abaixo desde a marxe esquerda da estrada, no punto quilométrico 5+490, á altura da Maroxa.
 
Esta actuación redundará nunha importante mellora de accesibilidade e da seguridade debido ao elevado tránsito de maquinaria agrícola.
 
Executaranse carrís de aceleración e deceleración, cun ancho de 3,50 metros para cada un, de modo que se adecúen as velocidades dos vehículos que transitan pola AC-240 e os que accedan á vía desde Oca de Arriba e Oca de Abaixo.
 
A execución do acceso non interferirá coa drenaxe superficial ou profunda da calzada, xa que se lle dará continuidade ao actual mediante un canlón de seguridade de formigón, coas arquetas intermedias necesarias e as bocas cubertas por reixas inclinadas.

A Xunta continúa traballando na conservación e mellora da rede viaria autonómica co fin de proporcionar aos cidadáns unhas estradas seguras e eficientes

Infraestruturas
Departamento:
C. de Vivenda e Planificación de Infraestruturas
Data de actualización: 05/03/2023

Novas relacionadas

A Xunta asina co concello de Bande a colaboración para a mellora do acceso ao Mercado do Xurés, que suporá un investimento total de 268.000 euros

A Xunta pon en valor o investimento de preto de 745.000 euros para a reforma e ampliación do centro de recollida e albergue de animais domésticos de Lugo

A Xunta licitará a fase 2.1 do Novo Chuac que inclúe a escavación sobre a que se levantará o novo edificio asistencial