A Xunta ve necesaria unha regulación adecuada que permita ás industrias coxeradoras ser competitivas
O director xeral de Planificación Enerxética e Recursos Naturais, Pablo Fernández Vila, participou esta mañá en Madrid nunha mesa redonda no marco da xornada ‘A coxeración e a industria: claves para a descarbonización’, que se desenvolve dentro da Feira internacional de Enerxía e Medio Ambiente Genera 2024
Madrid, 6 de febreiro de 2024
O director xeral de Planificación Enerxética e Recursos Naturais, Pablo Fernández Vila, referiuse esta mañá á necesidade de establecer unha regulación adecuada para que o réxime retributivo se adapte as particularidades do mercado e compense os custos de explotación das industrias coxeradoras, permitindo que sexan competitivas.
Fernández Vila participou nunha mesa redonda no marco da xornada A coxeración e a industria: claves para a descarbonización, que se desenvolve dentro da Feira internacional de Enerxía e Medio Ambiente Genera 2024, en Madrid.