Conselleiros/as do Goberno Galego
  • whatsapp
presidencia

VICEPRESIDENTE E CONSELLEIRO DE PRESIDENCIA, ADMINISTRACIÓNS PÚBLICAS E XUSTIZA
Alfonso Rueda Valenzuela

Naceu no ano 1968. Está casado e con dúas fillas. É licenciado en Dereito pola Universidade de Santiago e ten o diploma de Directivo da Xunta de Galicia. Funcionario de Administración Local, con habilitación nacional, categoría superior.

  • Foi secretario nos concellos de Cervantes, A Cañiza e Cambados.
  • Secretario-Interventor da Mancomunidade da Paradanta.
  • Xefe do Gabinete da Consellería de Xustiza, Interior e Relacións Laborais.
  • Ano 2000. Director Xeral de Administración Local da Xunta de Galicia.
  • Ano 2006. Secretario Xeral do PPdeG.
  • Ano 2009. Elexido Deputado pola provincia de Pontevedra nas eleccións autonómicas.
  • Desde 2009 é conselleiro de Presidencia, Administracións Públicas e Xustiza.
 
facenda

CONSELLEIRO DE FACENDA
Valeriano Martínez García

Nacido en Aldán (Cangas) en 1961. Licenciado en Ciencias Económicas e Empresariais pola Universidade de Santiago de Compostela e diplomado en Xestión de Xerencia Hospitalaria pola Escola de Alta Dirección e Administración.

  • Desde 1985 é funcionario do corpo superior de administración xeral da Consellería de Economía e Facenda.
  • Foi director xeral de Recursos Humanos do Sergas, director xeral de Transporte e auditor do Consello de Contas de Galicia.
  • De 2009 ata o seu nomenamento como conselleiro de Facenda, en febreiro de 2015, foi secretario xeral da Presidencia da Xunta de Galicia.
 
mar

CONSELLEIRA DE MEDIO AMBIENTE, TERRITORIO E VIVENDA
Ángeles Vázquez Mejuto

Naceu en Melide en 1972. Licenciada en Xeografía e Historia pola Universidade de Santiago de Compostela, coa especialidade en Xeografía Aplicada.

  • Técnica en Información e cultura.
  • Foi alcaldesa de Melide desde o ano 2011 ata 2016, cargo que tamén ocupou entre os anos 2004 e 2007.
  • No ámbito municipal, previamente ás súas responsabilidades como rexedora, foi concelleira de Cultura, Deportes e Medios de comunicación.
  • Tamén foi deputada provincial en A Coruña entre 2007 e 2009 e, posteriormente, deputada no Congreso dos Deputados por esa mesma provincia.
  • Na súa traxectoria profesional tamén ten experiencia xornalística, como directora da radio municipal melidense e como correspondente en medios de comunicación.
  • Desde outubro de 2016 ata setembro de 2018 foi conselleira do Medio Rural.
 
cmati

CONSELLEIRA DE INFRAESTRUTURAS E MOBILIDADE
Ethel Mª Vázquez Mourelle

Nacida en Santiago de Compostela en 1972, Ethel Vázquez Mourelle, é enxeñeira de Camiños, Canais e Portos pola Universidade da Coruña.

  • Ano 1996 a 2003. Distintos traballos de redacción de proxectos e dirección de obras, así como a elaboración de plans directores de saneamento.
  • Ano 2003. Colaboradora da Dirección Xeral de Augas e da Presidencia da EPOSH e coordinación co gabinete do Conselleiro de Medio Ambiente.
  • Ano 2005. Xefa da Área Técnica da Empresa Pública de Obras e Servizos Hidráulicos.
  • Ano 2009. Presidenta do organismo autónomo Augas de Galicia e da Empresa Pública de Obras e Servizos Hidráulicos (EPOSH) da Xunta de Galicia.
  • Ano 2010. Directora xeral de Infraestruturas.
  • Ano 2011. Presidenta da Sociedade Pública de Investimentos de Galicia, S.A.
  • Ano 2012. Directora da Axencia Galega de Infraestruturas.
  • Desde 2014 a 2015 foi conselleira de Medio Ambiente, Territorio e Infraestruturas.
  • Desde outubro de 2015 ata setembro de 2018 foi conselleira de Infraestruturas e Vivenda.
 
economia

CONSELLEIRO DE ECONOMÍA, EMPREGO E INDUSTRIA
Francisco Conde López

Naceu en Monforte de Lemos en 1968. É licenciado en Ciencias Económicas e Empresariais pola Universidade Complutense de Madrid e doutor en Ciencias Económicas e Empresariais pola mesma universidade. Foi profesor da Universidade CEU San Pablo entre 1995 e 2009, onde ocupou diferentes responsabilidades.

  • Director da Aula de Estudos Europeos Robert Schuman.
  • Secretario do Instituto de Estudos Europeos.
  • Ano 2002. Vicedecano da Facultade de Ciencias Económicas e Empresariais.
  • Ano 2004. Director de Relacións Internacionais.
  • Ano 2005. Vicerreitor de Relacións Internacionais.
  • Ano 2009. Asesor do presidente da Xunta de Galicia.
  • Desde 2012 a 2015 foi conselleiro de Economía e Industria.
  • Desde outubro de 2015 é conselleiro de Economía, Emprego e Industria.
 
mar

CONSELLEIRA DE EDUCACIÓN, UNIVERSIDADE E FORMACIÓN PROFESIONAL
Carmen Pomar Tojo

Naceu en Santiago de Compostela en 1970. É licenciada en Psicoloxía pola Universidade de Santiago, premio extraordinario fin de carreira e premio extraordinario de traballo de licenciatura. Doutora en Psicoloxía no Departamento de Psicoloxía Evolutiva e da Educación.

  • Foi bolseira posdoutoral da Fundación Caixa Galicia no 2000, cunha estadía na Universidade de Virxinia (Estados Unidos).
  • Profesora na Universidade da Rioxa durante dous anos e, desde o 2003, profesora no Departamento de Psicoloxía Evolutiva e da Educación da Universidade de Santiago, exercendo a súa docencia nas Facultades de Educación e de Psicoloxía desta universidade.
  • Profesora en másters sobre Educación, Familia e Necesidades Educativas Especiais nas Universidades de Santiago e de Vigo.
  • Tamén profesora do Máster de Psicoloxía Educativa na USC. Profesora no Curso de Especialista en Educación Emocional na Facultade de Educación da USC.
  • Profesora en cursos e seminarios sobre altas capacidades, intelixencia, motivación e creatividade.
  • Directora da Unidade de Atención Educativa en Altas Capacidades da Universidade de Santiago dende 2009 e directora de proxectos de atención educativa no campo da optimización do talento.
  • Tamén é autora da guía O triángulo máxico das altas capacidades para profesorado galego, así como de capítulos de libros e artigos sobre intelixencia, motivación e altas capacidades.
 
cultura

CONSELLEIRO DE CULTURA E TURISMO
Román Rodríguez González

Naceu no Vento (Lalín) en 1968.Licenciado en Xeografía e Historia pola Universidade de Santiago de Compostela con premio extraordinario e doutor en Xeografía e máster en Desenvolvemento, foi profesor da Universidade de León.

  • Profesor titular do Departamento de Xeografía da Universidade de Santiago de Compostela.
  • Autor dunha ducia de libros e coautor de case vinte publicacións da súa especialidade, amais de ter participado en corenta libros colectivos.
  • Dirixiu másteres e cursos de posgrado vinculados coa temática do ordenamento territorial.
  • No ano 2000 foi galardoado co Premio da Crítica de Galicia no campo da investigación.
  • Concelleiro en Lalín polo PP desde 1999 con responsabilidades en Cultura, Medio Ambiente, Urbanismo, Desenvolvemento Local e Portavocía.
  • En 2009 foi elixido deputado autonómico.
  • Foi designado vicevoceiro do Grupo Popular e voceiro nos eidos de Educación, Urbanismo e Ordenación do Territorio.
  • Desde febreiro de 2015 ata setembro de 2018 foi conselleiro de Cultura, Educación e Ordenación Universitaria.
 
mar

CONSELLEIRO DE SANIDADE
Jesús Vázquez Almuíña

Naceu en Baiona en 1962. Licenciado en Medicina e Cirurxía Xeral pola Facultade de Medicina da Universidade de Santiago de Compostela. Especialista en Medicina Familiar e Comunitaria e experto universitario en Admisión e Documentación Clínica pola Universidade Complutense de Madrid. Máster en Dereito Sanitario pola Universidade da Coruña.

  • Foi alcalde de Baiona desde 2004 e deputado provincial en Pontevedra desde 2003.
  • Foi director provincial do Sergas de Pontevedra; director-xerente do Hospital Meixoeiro; coordinador do servizo de Admisión, Documentación Clínica e Atención ao Paciente do Hospital Meixoeiro de Vigo; e médico do Servizo de Admisión do mesmo hospital.
  • Con anterioridade, foi tamén coordinador dos servizos de arquivo e Documentación Clínica e Atención ao Paciente en Povisa; xefe do Servizo de Recepción e Xestión de Pacientes no mesmo centro e médico no servizo de Urxencias.
  • Exerceu como médico de Medicina Familiar e Comunitaria na Unidade Docente de Segovia.
  • Desde outubro de 2015 é conselleiro de Sanidade.
 
mar

CONSELLEIRA DE POLÍTICA SOCIAL
Fabiola García Martínez

Naceu en Ribeira en 1985. É licenciada en Dereito pola Universidade de Santiago de Compostela.

  • Ata a actualidade e desde decembro de 2016 era directora xeral de Maiores e Persoas con Discapacidade na Consellería de Política Social.
  • Desde xuño de 2015 foi primeira tenente de alcalde do Concello de Ribeira, ademais de concelleira delegada de Administración, Transparencia, Atención e Participación Cidadá, Promoción e Dinamización Económica e Cultura.
  • Ao longo da súa carreira profesional formou parte dos gabinetes das consellerías de Facenda, Economía e Industria e Presidencia, Administracións Públicas e Xustiza.
  • Con anterioridade, traballou en prácticas no departamento de Dereito Fiscal nun despacho de avogados.
  • Como formación complementaria, é máster en Dereito Empresarial polo Centro de Estudios Garrigues e diploma en EAP (English for Academic Purposes) pola University College London.
 
mar

CONSELLEIRO DO MEDIO RURAL
José González Vázquez

Naceu en Ourense en 1970. É licenciado en Dereito pola Universidade de Santiago de Compostela.

  • En 1997, ingresou no corpo superior de inspectores de Facenda do Estado, especializado en inspección financeira e tributaria e aduanas e impostos especiais.
  • Así mesmo, foi vocal nato do comité e do pleno do Consorcio da Zona Franca de Vigo desde 2009 a 2014; e representante da aduana española en diferentes comités de reforma do código aduaneiro comunitario en 2009.
  • Ademais de membro de diferentes comisións da Autoridade Portuaria de Vigo para a coordinación dos controis do comercio exterior; profesor asociado do departamento de Dereito Financeiro, na Universidade de Vigo, desde 2002 a 2006; e docente especialista en materia de imposto sobre o valor engadido e comercio exterior e en contabilización de impostos.
  • Desde 2016, é deputado no Parlamento de Galicia, onde desempeñou funcións como: voceiro de Medio Rural do GPP; membro da Comisión 7ª, Agricultura, Alimentación, Gandería e Montes; membro da Comisión 3ª, Economía, Facenda e Orzamentos; vicepresidente da Comisión Permanente non lexislativa para as relacións co Consello de Contas e membro da Comisión Especial de estudo e análise das reformas da política forestal, de prevención e extinción de incendios forestais e do Plan forestal de Galicia.
 
mar

CONSELLEIRA DO MAR
Rosa Quintana Carballo

Naceu no ano 1959. É licenciada en Ciencias Biolóxicas na Universidade de Santiago de Compostela. Doctorado en Bioloxía coa tese "Contribución ao coñecemento do desenvolvemento gonadal do mexillón galego cultivado".

  • Ano 1987. Comeza a traballar como funcionaria na Consellería de Pesca, Marisqueo e Acuicultura como Inspectora Pesquera.
  • Ano 1989. Ocupa o posto de Xefa de Sección de Inspección Pesquera.
  • Ano 1992. Nomeada Xefa de Servizo de Marisqueo.
  • Ano 1997. Ocupa o posto de Delegada Territorial da Consellería de Pesca, Marisqueo e Acuicultura en Vigo.
  • Ano 2001. Nomeada Directora Xeral de Innovación e Desarrollo Pesquero da Consellería de Pesca e Asuntos Marítimos.
  • Desde a súa licenciatura ata a actualidade participou como ponente en diversos cursos relacionados co mundo da pesca e publicou distintos traballos, tamén relacionados coa pesca, o marisqueo e a acuicultura.
  • No ano 2007, participou como experta da U.E. na celebración de seminarios sobre lexislación alimentaria na U.E. para produtos da pesca e a acuicultura en Puerto Varas, Chile.
  • Desde 2009 a 2012 foi conselleira do Mar.
  • Desde 2012 a 2015 exerceu como conselleira do Medio Rural e do Mar, volvendo a ser nomeada como conselleira do Mar en outubro de 2015.