Debido a unha actualización técnica, a plataforma de xeración de solicitudes de procesos selectivos non estivo operativa dende o venres 29 de maio ás 15:30 horas ao luns 1 de xuño ás 7:30 horas. Para os procesos selectivos con prazo de solicitude aberto, este ampliouse en tres días segundo o estipulado na orde publicada no DOG nº 99 do 28 de maio.

O Diario Oficial de Galicia fixo pública a Resolución do 11 de maio de 2015, da Dirección Xeral da Función Pública, pola que, de conformidade co artigo 12 do Decreto 37/2006, do 2 de marzo, se fai pública a actualización definitiva de méritos correspondente ao ano 2014 das listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

Hoxe publícase no DOG a Resolución do 21 de abril de 2015, da Secretaría Xeral Técnica da Consellería do Medio Rural e do Mar, pola que se convoca a realización das probas físicas e de agudeza visual aos/ás integrantes das listas reguladas polo Decreto 5/2007, do 25 de xaneiro, polo que se modifica o Decreto 37/2006, do 2 de marzo, correspondentes a determinadas categorías de persoal laboral dos servizos de prevención e defensa contra incendios forestais e de persoal do Pladiga.

O Diario Oficial de Galicia fixo pública a Resolución do 17 de decembro de 2014, da Dirección Xeral da Función Pública, pola que se fan públicas as listas definitivas para o desempeño transitorio de prazas reservadas a persoal funcionario e a contratación temporal de persoal laboral da Administración da Xunta de Galicia, reguladas no Decreto 37/2006, do 2 de marzo.

O Diario Oficial de Galicia fixo pública a Resolución do 22 de outubro de 2014 da Dirección Xeral da Función Pública pola que se fan públicas as listas provisionais para o desempeño transitorio de postos reservados a persoal funcionario e a contratación temporal do persoal laboral da Xunta de Galicia, regulado no Decreto 37/2006, do 2 de marzo.

A partir do luns, 9 de xuño, quedan activadas novas mensaxes de información no cumprimento da xornada laboral, no sistema de fichaxe Kronos.

Aclaracións sobre a posibilidade do gozo de forma descontinua do permiso por accidente ou enfermidade grave dun familiar (artigo 76.1.a) do Decreto lexislativo 1/2008, do 13 de marzo, polo que se aproba o texto refundido da lei da Función Pública de Galicia), mentres persista o feito causante e ata o máximo de días establecido, que prevé a Resolución do 12 de marzo de 2013, da Dirección xeral da Función Pública, pola que se ditan instrucións sobre o réxime de vacacións, permisos e licenzas (DOG nº 56, do 20 de marzo).

A próxima semana aplicaranse nas listas de contratación os resultados das probas físicas e de agudeza visual dos integrantes das reguladas polo Decreto 37/2006, do 2 de marzo, correspondentes a determinadas categorías de persoal laboral dos servizos de prevención e defensa contra incendios forestais e de persoal do Pladiga.

Proximamente publicarase no DOG a resolución pola que se convocan as probas físicas e de agudeza visual do persoal admitido nas listas de contratación temporal dedicado ás tarefas de prevención e extinción de incendios forestais.

O vindeiro 31 de marzo de 2014 publicaranse as disposicións polas que se abren os prazos posesorios (cesamento e tomas de posesión) das adxudicacións derivadas do concurso de administración xeral (F01/13) e das adxudicacións definitivas ao persoal de novo ingreso do corpo de xestión (A2) e do corpo administrativo (C1) da Xunta de Galicia.