A Xunta convoca o concurso-oposición para o ingreso en diversas clases de persoal funcionario sanitario da escala de saúde pública e administración sanitaria
Convócanse un total de 54 prazas
O prazo de inscrición nos procesos selectivos remata o 29 de xaneiro de 2026
Santiago de Compostela, 29 de decembro de 2025
O Diario Oficial de Galicia publica, na súa edición de hoxe, unha resolución da Dirección Xeral de Recursos Humanos do Servizo Galego de Saúde coa convocatoria do concurso-oposición para o ingreso nas clases de farmacéutico inspector de saúde pública, inspector médico, licenciado en ciencias biolóxicas, licenciado en ciencias químicas, licenciado en farmacia, licenciado en psicoloxía, ATS/DUE e subinspector sanitario.
Ofértanse un total de 54 prazas, das cales 12 corresponden á clase de farmacéutico inspector de saúde pública, 10 a inspector médico, 2 a licenciado en ciencias biolóxicas, 3 a licenciado en ciencias químicas, 8 a licenciado en farmacia, 4 a licenciado en psicoloxía, 7 a ATS/DUE e 8 prazas corresponden á clase de subinspector sanitario.
Na seguinte táboa pode consultar o número de prazas ofertadas por clase e por quenda de acceso:
|
CLASE |
Acceso libre |
PI |
Discapac. |
N.º total prazas |
|
Farmacéutico inspector de saúde pública |
8 |
3 |
1 |
12 |
|
Inspector médico |
6 |
3 |
1 |
10 |
|
Licenciado en ciencias biolóxicas |
1 |
1 |
|
2 |
|
Licenciado en ciencias químicas |
2 |
1 |
|
3 |
|
Licenciado en farmacia |
5 |
2 |
1 |
8 |
|
Licenciado en psicoloxía |
2 |
1 |
1 |
4 |
|
ATS/DUE |
4 |
2 |
1 |
7 |
|
Subinspector sanitario |
5 |
2 |
1 |
8 |
O formulario de inscrición estará dispoñible no expediente electrónico do profesional (FIDES/Expedient-e/Procesos/OPE) a partir do día seguinte ao da publicación desta convocatoria no Diario Oficial de Galicia. O prazo de inscrición remata o 29 de xaneiro de 2026.
As persoas interesadas en participar no proceso selectivo deberán posuír na data en que finalice o prazo de presentación de solicitudes e manter no momento da toma de posesión, os requisitos recollidos na resolución de convocatoria.
O órgano convocante poderá verificar certos requisitos de participación a través da plataforma de interoperabilidade da Xunta de Galicia (PasaXe!). Isto implica que os aspirantes que non se opoñan no formulario de solicitude de participación á consulta a través da plataforma de interoperabilidade non terán a obriga de achegar certa documentación acreditativa como o DNI ou NIE, o certificado de discapacidade ou o certificado de familia numerosa de carácter xeral ou especial se foron expedidos por organismos da Comunidade Autónoma de Galicia, a certificación de antigüidade como demandante de emprego e de non percibir no momento actual prestación ou subsidio por desemprego en calquera parte do territorio nacional.
Fóra destes supostos, ou cando conste a oposición expresa á súa consulta, os aspirantes deberán presentar a documentación acreditativa dos requisitos indicados na base segunda da convocatoria.
Os méritos que se terán en conta na fase de concurso son os recollidos no Anexo IV da convocatoria e valoraranse con referencia ao día inmediatamente anterior, inclusive, ao da publicación da convocatoria no Diario Oficial de Galicia. Os interesados deberán rexistralos debidamente no seu expediente electrónico do profesional (Fides/expedient-e) e acreditalos documentalmente na forma e prazos indicados na convocatoria.
Os aspirantes poden dirixir todas as dúbidas e consultas relacionadas con estes procesos ao enderezo de correo electrónico: oposicions@sergas.es.
