Lugo, 2 de xuño de 2026

A directora xeral da Axencia Galega de Desenvolvemento Rural, Paz Rodríguez, reuniuse hoxe co alcalde de Bóveda, José Manuel Arias, para abordar os avances dos primeiros catálogos parciais de solos agropecuarios e forestais de Galicia, que se elaborarán no Val de Lemos.

Este instrumento porase en marcha para favorecer a ordenación e xestión do desenvolvemento dos usos destes solos sobre o territorio galego. A iniciativa foi consensuada cos alcaldes da zona, entre os que se atopa o de Bóveda, para favorecer a recuperación da terra agraria nesta área, no marco dunha infraestrutura de gran dimensión como é o regadío do Val de Lemos.