Salvaterra de Miño (Pontevedra), 16 de xuño de 2026

O director da Axencia Galega da Calidade Alimentaria da Consellería do Medio Rural, Martín Alemparte, participou hoxe na entrega de premios da terceira edición da Ruta Pinchoterra, organizada polo Concello de Salvaterra de Miño coa colaboración deste departamento da Xunta.

Durante o acto, destacou o papel deste tipo de iniciativas para achegar aos consumidores os produtos agroalimentarios galegos de calidade diferenciada a través da gastronomía e da hostalaría, contribuíndo a poñer en valor a súa orixe, calidade, trazabilidade e singularidade.

Neste sentido, puxo en valor a implicación dos establecementos participantes na promoción dos alimentos amparados por selos de calidade diferenciada, reforzando a conexión entre produtores, elaboradores, hostalaría e consumidores.

Ademais, o director fixo entrega de lotes de produtos de calidade diferenciada aos tres locais gañadores do concurso, e animou ao sector a seguir incorporando estes alimentos nas súas elaboracións como unha forma de contribuír á promoción do territorio e do valor engadido das producións galegas.