A conselleira de Vivenda e Planificación de Infraestruturas, María M. Allegue, presidiu esta mañá a reunión do consello de administración de Sociedade de Vivenda Pública de Galicia
A Xunta de Galicia adxudica a obra de construción de 17 vivendas de promoción pública, en Lalín
O importe de adxudicación é de máis de 3 millóns de euros.
Construiranse nunha parcela cedida de balde polo Concello
Santiago de Compostela, 31 de xullo de 2026
O consello de administración da Sociedade de Vivenda Pública de Galicia (Vipugal) autorizou hoxe a adxudicación do contrato para a construción de 17 vivendas de promoción pública nunha parcela do Vial 1, cedida de balde polo Concello de Lalín. A conselleira de Vivenda e Planificación de Infraestruturas, María M. Allegue, xunto co secretario xeral de Vivenda e Urbanismo, Heriberto G. Porto, presidiu hoxe a reunión do consello de administración de Vipugal.
Será a empresa Proyecon Galicia, S.A. a encargada da construción das vivendas, segundo o proxecto redactado por Germán Gómez Crespo.
O contrato para a execución das obras licitouse por importe de 3.278.227,07 euros e adxudícase por 3.088.885 euros.
As vivendas distribuiranse da seguinte maneira, en función do número de dormitorios:
|
NÚMERO DORMITORIOS |
NÚMERO DE VIVENDAS |
SUPERFICIE UTIL m2 |
|
2 |
10 |
66,26 A 69,14 |
|
3 |
5 |
87,50 A 90,13 |
|
3 (adaptada para mobilidade reducida) |
1 |
99,06 |
|
4 dormitorios |
1 |
108.32 |
|
TOTAL |
17 |
|
Imaxes relacionadas
