O secretario xeral para o Deporte, Roberto García, participou hoxe na presentación oficial dos campionatos de España de Praia de Salvamento e Socorrismo nas categorías xuvenil, júnior e absoluta, que se desenvolverán na praia carballesa de Razo desde mañá ata o vindeiro domingo. Entre o 1 e o 3 de setembro disputarase o XXXVIII Campionato de España Xuvenil e Júnior de Praia e do 4 ao 6 disputarase o XXXVIII Campionato de España Absoluto de Praia e neles participarán preto de 650 deportistas.