Vigo, 8 de outubro de 2026

A conselleira de Vivenda e Planificación de Infraestruturas, María Martínez Allegue, reuniuse hoxe en Vigo co propietario dunha vivenda baleira que está arranxando cunha axuda da Xunta, para poñela logo no mercado de alugueiro a prezo accesible.

Trátase do programa Fogar Vivo, que puxo en marcha o Goberno galego en 2025, co obxectivo de que os propietarios poidan arranxar vivendas, que en moitos casos levaban tempo baleiras, co compromiso de posteriormente alugalas. Nesta liña tamén se inclúe a axuda para o seguro de impago e multirrisco no fogar.