Santiago de Compostela, 11 de outubro de 2026

A Xunta acaba de adxudicar por 172.727€ (sen IVE) as obras de humanización do entorno de Santa Baia de Berredo, no concello da Bola. Estes traballos, que realizará a firma Explotacións Medioambientais  S.L.U. enmárcanse no Plan Hurbe da Administración autonómica, co que colabora coas administracións locais para financiar diferentes tipos de intervencións urbanísticas.

En concreto, a través deste contrato, proponse intervir nos lugares de Anxá e A Eirexa. Actuarase en dous camiños desta parroquia de Berredo que comunican a estrada autonómica ata a capela situada no lugar de Anxá e a igrexa parroquial no lugar da Eirexa.

Os tramos do viario sobre os que se prevé actuar comparten, nestes momentos, o uso peonil co tráfico rodado. A través da actuación, trátase de dotalos dun novo pavimento, na actualidade deteriorado.

A Xunta asinou co Concello da Bola un convenio ao abeiro do Plan Hurbe para financiar esta actuación, que suporá investimento total se eleva a 260.513€. A Consellería de Vivenda e Planificación de infraestruturas a través desta cooperación achegará o 70% do orzamento desta intervención, contrata as obras  e as executará. O Concello da Bola asumirá o 30% restante do custe das obras, e corresponderalle o mantemento e conservación ao remate das mesmas.