A Xunta recibe 12 ofertas para as obras de 79 novas vivendas públicas en Ames, cun investimento de 14,7M€
O inmoble na rúa Agriños terá 5 plantas e áticos, con fogares de 2, 3 e 4 dormitorios que terán eficiencia enerxética A
As obras de construción dos fogares terán un prazo de execución de 19 meses
No Concello de Ames, ademais desta promoción, a Administración autonómica creará outras 140 vivendas públicas noutra parcela cedida en Galdrachán
Con este municipio coruñés xa son 18 os concellos galegos que están a ceder solo á Xunta de xeito gratuíto para a construción de máis vivenda pública
Santiago de Compostela, 24 de outubro de 2026
A Xunta vén de recibir un total de 12 ofertas de empresas para as obras de construción de 79 novas vivendas públicas en Ames, cun investimento de 14,7M€.
Estas vivendas construiranse na parcela da rúa Agriños que foi cedida gratuitamente polo Concello. As obras de construción destes fogares terán un prazo de execución de 19 meses.
A promoción, de baixo, cinco alturas e áticos, contará con fogares de eficiencia enerxética A, con 2, 3 e 4 dormitorios.
Cómpre lembrar que no Concello de Ames, ademais desta promoción de 79 vivendas, a Administración autonómica creará outras 140 vivendas públicas noutra parcela cedida en Galdrachán.
Con este municipio coruñés xa son 18 os concellos galegos que están a ceder solo á Xunta de xeito gratuíto para a construción de máis vivenda pública.
