Cando te das de alta en Chave365,

recibes unha mensaxe

no teu teléfono móbil.

A mensaxe inclúe

unha clave de acceso provisional.

Esta clave serve

para entrar por primeira vez

en Chave365.

Que podes facer se a mensaxe non chega?

Se pasan uns minutos

e non recibes a mensaxe,

podes pedir axuda.

Podes contactar con:

• Soporte técnico da sede electrónica por WhatsApp
• Formulario Asistente en liña.

• Servizo de información 012.

O soporte pode comprobar

se a mensaxe foi enviada.

Que podes facer se a mensaxe foi enviada

pero non a recibiches?

Nese caso, pode haber un problema

co teu teléfono ou coa túa compañía

de telefonía.

Podes:

• Contactar coa túa compañía de telefonía.
• Revisar a configuración do teu móbil.

• Comprobar se a mensaxe

  foi marcada como non desexada.

Chave365 pode bloquear o teu acceso

como medida de seguridade.

Isto serve para evitar que outra persoa

entre na túa conta sen permiso.

Cando pode bloquearse Chave365?

O acceso a Chave365 pode bloquearse

nestes casos:

• Se escribes mal o teu usuario ou a clave

  6 veces seguidas.

• Se escribes mal a clave de sinatura

  3 veces seguidas.

Como podes desbloquear Chave365?

Podes desbloquear o teu acceso

de 3 formas diferentes:

1. Con identificación electrónica

Podes usar:

• Certificado dixital.
• Documento de identidade electrónico.

• Cl@ve.

Entra no teu perfil de Chave365.

Despois preme en Rexeneración da clave.

O sistema envía unha nova clave de acceso

ao teu teléfono móbil.

2. Por videoidentificación

Tamén podes desbloquear o teu acceso

por videoidentificación.

A videoidentificación comproba a túa identidade

mediante unha videochamada.

Primeiro tes que cubrir o formulario de Chave365

no Asistente en liña da Administración electrónica.

Despois recibes as indicacións

para facer a videoidentificación.

Cando comproben que es ti,

recibes unha nova clave no teléfono móbil

asociado a Chave365.

3. De forma presencial

Tamén podes ir a unha oficina da Xunta

que xestione Chave365.

Alí poden axudarche a desbloquear

o teu acceso.

Nesta ligazón podes consultar as oficinas.

Se perdes o teu teléfono móbil,

é importante que chames canto antes

ao teléfono 012.

Pide que bloqueen o teu usuario de Chave365

para evitar que alguén o use

dende o teu teléfono móbil.

Cando chames ao 012

faranche algunhas preguntas

para comprobar a túa identidade.

Cando solicitas a Chave365 por Internet

pode aparecer a mensaxe:

Conexión segura fallida.

Isto pasa cando non tes no teu móbil ou ordenador

ningún sistema válido,

que che permita identificarte.

Cando solicitas Chave365 desde a sede electrónica,

os sistemas válidos para identificarte

son:

• Un certificado dixital.

  O certificado dixital ten que estar

  instalado no navegador e estar en vigor.

  Estar en vigor significa

  que o certificado segue sendo válido.

• Cl@ve.

• O documento de identidade electrónico.

  O documento de identidade electrónico

  tamén se coñece como DNIe.

  Se usas o DNIe,

  necesitas ter un lector de tarxetas

  compatible co teu ordenador.

Se non tes ningún destes sistemas,

tes que solicitar Chave365 de forma presencial.

Isto significa que tes que ir en persoa

a unha das oficinas

onde podes facer esta xestión.

Consulta aquí as oficinas.

Se o teu nome ou o teu apelido

aparecen mal en Chave365,

tes que corrixilo.

Podes facelo de 2 maneiras.

Opción 1. Ir de forma presencial.

Podes acudir en persoa

a unha destas oficinas.

Opción 2. Darte de baixa

e volver darte de alta.

Primeiro tes que dar de baixa

o teu usuario de Chave365.

Despois tes que facer unha nova alta

cos datos correctos.

Lembra que para darte de alta

debes ter unha destas maneiras de identificarte:

• Certificado dixital.
• Documento de identidade electrónico.

• Cl@ve.

Se non podes entrar en É-Saúde

coas túas claves de Chave365,

proba primeiro a entrar na sede electrónica

da Xunta de Galicia con Chave365.

É-Saúde é o espazo dixital

do Servizo Galego de Saúde.

Serve para consultar información

sobre a túa saúde

e sobre os servizos sanitarios.

Se podes entrar na sede electrónica

Se Chave365 funciona na sede electrónica,

o problema pode estar no acceso a É-Saúde.

Nese caso, contacta co teu centro de saúde.

Alí poden comprobar se tes activado

o acceso a É-Saúde.

Outras formas de entrar en É-Saúde

Tamén podes entrar en É-Saúde

con outros sistemas de identificación.

Por exemplo:

• Certificado dixital.

• Documento de identidade electrónico.

  O documento de identidade electrónico

  tamén se coñece como DNIe.