Como podes darte de alta en Chave365?
Hai 2 xeitos de darte de alta en Chave365:
- Por Internet,
na sede electrónica da Xunta de Galicia.
- De forma presencial,
nunha oficina autorizada
para facer a alta de Chave365.
Primeiro imos aprender
como solicitar Chave365 por Internet.
Como solicitar Chave365 por Internet
Podes facer este trámite por Internet
na sede electrónica da Xunta de Galicia.
Para empezar, tes que pulsar o botón:
“Tramitar en liña”.
Para facer o trámite necesitas unha destas opcións:
Despois, tes que cubrir o formulario de alta.
Cando termines de cubrir o formulario,
debes firmar e enviar a solicitude.
Cando termines de enviar a solicitude,
recibirás as claves de acceso
no teu teléfono móbil.
O teléfono móbil será o que indiques no formulario.
Se usas certificado dixital ou DNI electrónico,
necesitas ter instalado o programa Autofirma.
Autofirma é un programa que serve
para asinar documentos por Internet.
Como solicitar Chave365 de xeito presencial
Ademais de pedir Chave365 por Internet,
tamén podes pedila nunha oficina.
A esta forma de pedir Chave365
chámaselle solicitude presencial.
Para pedir a Chave365 nunha oficina
tes que demostrar a túa identidade.
Para demostrar a túa identidade,
debes mostrar o teu DNI ou NIE.
O DNI ou NIE ten que ser:
- orixinal,
- válido
- e vixente.
A palabra vixente significa
que algo aínda serve
e pódese usar agora.
As persoas estranxeiras
poden identificarse con:
- TIE,
que é a tarxeta de identificación
de persoas estranxeiras.
- Tarxeta vermella de asilo.
- Certificado de rexistro
de cidadáns e cidadás
da Unión Europea.
- Documento oficial de concesión do NIE
xunto co pasaporte.
Onde podes solicitar Chave365 de xeito presencial?
Nesta páxina hai un mapa.
O mapa mostra os lugares
onde podes pedir Chave365
de forma presencial.
Podes consultar o mapa
para buscar a oficina máis próxima.
Se tes tarxeta sanitaria do Sergas,
tamén podes pedir Chave365
no teu centro de saúde.
Así poderás usar Chave365
para entrar en É-Saúde.
É-Saúde é un servizo por Internet
do sistema sanitario galego.
Listaxe de lugares
Tamén podes descargar a listaxe de lugares
onde podes pedir Chave365.
Podes descargar a listaxe
nestes formatos:
- PDF/PDF,
- CSV,
- ODS,
- XLSX.