Imos ver que necesitas ter

para facer unha sinatura electrónica

con Chave365.

A sinatura electrónica

serve para confirmar que es ti

quen asina un trámite por Internet.

Para usar Chave365,

primeiro tes que estar dado de alta

neste sistema.

Que necesitas para asinar?

Só necesitas ter preto o teléfono móbil

que vinculaches ao teu NIF

cando te deches de alta.

O NIF é o número que te identifica

ante a Administración.

Como funciona?

Cando vas asinar un trámite,

recibes unha mensaxe no teu móbil.

A mensaxe ten unha clave de sinatura.

Esta clave serve para confirmar

a túa sinatura electrónica.

Canto tempo dura a clave?

A clave de sinatura serve só

para 1 trámite.

A clave é válida durante 24 horas

e só podes usala unha vez.

Se pasan 24 horas e non usaches a clave,

deixa de funcionar.

Nese caso, podes pedir unha nova clave.

A clave de sinatura é un código

que recibes no móbil

para asinar un documento electrónico.

Se estás intentando asinar unha solicitude

e non recibes a clave de sinatura,

podes probar estas opcións.

1. Espera uns minutos

A mensaxe pode tardar uns minutos en chegar.

Se non chega, podes pedir

que a envíen outra vez.

Na pantalla onde tes que escribir a clave,

tes as indicacións para pedir un novo envío.

2. Que podes facer

se aínda non recibes a clave?

Se xa pediches varios envíos

e a mensaxe non chega,

podes pedir axuda.

Podes contactar co servizo técnico

da sede electrónica:

• A través servizo de WhatsApp da sede electrónica.
• Polo formulario Asistente en liña.
• A través do servizo de información 012.

3. Revisa o teu móbil

Pode ocorrer que enviaran a mensaxe

pero o teu móbil non a recibise.

Neste caso, revisa a carpeta

de mensaxes non desexadas.

Tamén podes consultar

coa túa compañía de telefonía.

4. Se estás no estranxeiro

Se estás fóra de España,

pode ocorrer que non recibas

a mensaxe no móbil.

Isto pode depender da configuración

do teu teléfono e da túa compañía.

Se tes este problema,

contacta coa túa compañía de telefonía.

Si.

Podes presentar unha solicitude

en nome doutra persoa

con Chave365.

Para facelo, tes que demostrar

que tes permiso para representala.

Podes facelo cun documento

que acredite esa representación.

Este documento pode ser:

• Unha autorización.
• Un poder.

• Outro documento válido

  que demostre que podes actuar

  no seu nome.

Tes que engadir ese documento

xunto coa solicitude.

Aquí podes descargar un modelo de documento

para acreditar a representación.

Se escribes mal a clave de sinatura

pode aparecer un erro.

Se recibiches a clave de sinatura

e ao escribila aparece un erro,

podes pedir unha nova clave.

Na propia pantalla do trámite

aparecen as indicacións

para pedir unha nova clave.

Cantas veces podes pedir outra clave?

Podes pedir ata 3 envíos de clave

para o mesmo borrador.

Un borrador é unha solicitude

que aínda non presentaches.

Se xa utilizaches os 3 intentos,

tes 2 opcións:

• Esperar 24 horas e volver intentalo.

• Crear un novo borrador

  e intentar asinar outra vez

  desde ese novo borrador.