O uso principal de Chave365

é entrar na sede electrónica 

da Xunta de Galicia.

A sede electrónica serve

para facer trámites por Internet

coa Xunta de Galicia.

Pero Chave365 tamén se pode usar

noutros servizos.

Estes servizos son: 

• Notifica.gal

  Podes usar Chave365

  para entrar en Notifica.gal.

  Notifica.gal é un servizo

  para recibir notificacións electrónicas

  das Administracións públicas galegas.

• Servizos do medio rural

  Tamén podes usar Chave365

  en servizos relacionados co medio rural.

  Por exemplo:

• Xestión de aproveitamentos de madeira

  Este servizo serve para xestionar

  o uso de madeira 

  en terreos forestais de xestión privada.

• Ordenación e xestión forestal

  Este servizo serve 

  para organizar e xestionar 

  temas relacionados cos montes 

  e os terreos forestais.

• Sistema de información de Terras de Galicia

  Este servizo permite consultar

  e solicitar parcelas

  que forman parte do Banco de Terras de Galicia.

  O Banco de Terras de Galicia

  é un rexistro de terreos

  que se poden usar para actividades agrarias

  ou relacionadas co rural.

• Sede electrónica do Parlamento de Galicia

  Tamén podes usar Chave365

  para entrar na sede electrónica

  do Parlamento de Galicia.

  Esta sede serve para facer trámites

  relacionados co Parlamento de Galicia.

• É-Saúde

  Tamén podes usar Chave365

  para entrar en É-Saúde.

  É-Saúde é unha aplicación do Sergas.

  Esta aplicación permíteche facer trámites

  e acceder a servizos e información

  relacionados coa túa saúde.

• Oficina do profesional / Expediente-e

  Tamén podes usar Chave365

  para entrar na Oficina do profesional

  ou Expediente-e.

  Este servizo permite consultar información

  sobre procesos de selección

  para profesionais da Xunta de Galicia

  e do Sergas.

  Un proceso de selección é un procedemento

  para elixir persoas para un posto de traballo

  ou para unha lista de contratación.

• XuntaEu

  Tamén podes usar Chave365

  para entrar en XuntaEu.

  XuntaEu permíteche:

  • consultar expedientes,

  • consultar presentacións,

  • consultar notificacións electrónicas,

  • pagar taxas,

  • comprobar se un documento asinado por Internet é válido,

  • consultar certificados ou tarxetas,

  • consultar documentos presentados.

  En XuntaEu tamén podes consultar

  os documentos que presentaches

  a través do rexistro electrónico da Xunta 

  ou nas Oficinas de atención á cidadanía

  e de rexistro.