A clave de acceso ten que modificarse no primeiro acceso ao sistema e, como mínimo, 1 vez ao ano, para ofrecer as garantías de seguridade axeitadas.

Cambio de clave no primeiro acceso

Xestionada a alta do teu usuario e recibida a clave a partir dun SMS no teléfono móbil indicado no formulario, será preciso que acudas á “Área Privada” da sede electrónica ou ben que empregues a app XuntaEu. Introduce tanto o teu NIF coma a clave recibida e, posteriormente, preme en “Entrar”.

A continuación, encontrarás a seguinte mensaxe informativa:

Premendo en “Cambiar clave” xa estarás en disposición de introducir a devandita información. A nova clave debe ter como mínimo 6 díxitos, entre letras e números.

Preme en “Cambiar clave” e o teu contrasinal xa estará modificado. 

Con isto, pecha o navegador e volve abrilo para seguir empregando a sede accedendo a partir da nova clave.

Cambios de clave posteriores ao primeiro acceso

Podes modificar a clave dende a app XuntaEu, dentro da sección “Chave365 Activo”, ou ben a partir da “Área Privada" da sede electrónica: 

1. Introduce o teu NIF (DNI ou NIE) e a clave de acceso de Chave365. Se tes certificado electrónico, DNIe ou Cl@ve, tamén podes empregalo para acceder.

2. Preme en “O meu perfil” e, posteriormente, en “Chave365”.

3. Nesta sección terás dispoñibles os teus datos referentes a Chave365, sendo necesario para este caso premer en “Cambiar clave”.

4. A continuación, introduce o teu contrasinal actual, un novo contrasinal e repite ese novo contrasinal. Lembra que o novo contrasinal deber ter como mínimo 6 díxitos, entre letras e números.

5. Preme en “Cambiar clave” e o teu contrasinal xa estará modificado. A continuación, pecha o navegador e volve abrilo para empregar a nova clave.

Lembra que, transcorrido 1 ano, se non cambiaches a túa clave de acceso, dispós de 5 intentos para facer o cambio en https://sede.xunta.gal/a-mina-sede/perfil/chave365. Unha vez consumidos eses 5 intentos, non se permitirá o acceso.