O usuario de Chave365 ten unha validez de 4 anos desde a súa alta no sistema. Transcorrido ese período, prodúcese a caducidade desa conta de usuario. 

Mediante un SMS informativo, avisámoste 60 días antes da caducidade do teu usuario.

Para evitar esta caducidade, deberás solicitar a renovación do teu usuario. Poderás facelo:

• Na sede electrónica, con certificado dixital, DNI electrónico, Chave365 ou Cl@ve, accedendo a "O meu perfil" no apartado de Chave365 ou a través do formulario PR001A (Alta/renovación de Chave365) coa opción de "Renovación" que aparecerá de forma automática.
• Na app XuntaEu, con certificado dixital, DNI electrónico ou Chave365, dentro da sección “Chave365 Activo”.
• De xeito presencial, en calquera oficina que realice as funcións de rexistro de usuarios de Chave365.

Lembra que, tras a túa solicitude, recibirás un SMS no teu teléfono informando de que o teu usuario foi renovado correctamente.

Que podo facer se o meu usuario está xa caducado e preciso xestionar a alta novamente? 

• Mediante a sede electrónica, con certificado dixital, DNI electrónico ou Cl@ve permanente, a través do formulario PR001A (Alta/renovación de Chave365) coa opción "Alta".
• Podes ir de xeito presencial a calquera oficina que realice as funcións de rexistro de usuarios de Chave365.