A clave de acceso é o contrasinal

que usas para entrar con Chave365. 

A primeira vez que entres no sistema

tes que cambiar a clave.

Despois, debes cambiala

polo menos 1 vez ao ano.

Isto faise para que a túa conta sexa máis segura.

Cambiar a clave a primeira vez que accedes

Cando teñas o teu usuario de Chave365,

recibirás unha clave por SMS.

O SMS chegará ao teléfono móbil

que puxeches no formulario.

Despois, tes que entrar nunha destas opcións:

• a área privada da sede electrónica,
• ou a aplicación XuntaEu.

Para entrar, tes que escribir:

• o teu DNI,
• e a clave que recibiches por SMS.

Despois, pulsa no botón “Entrar”.

Verás a seguinte mensaxe:

Dálle a "Cambiar clave"

e escribe a túa nova clave de acceso.

A nova clave debe ter

6 caracteres ou máis.

Estos caracteres poden ser

letras e números.

Debes escribir a nova clave 2 veces.

Cando escribas a túa nova clave,

pulsa en “Cambiar clave”.

Despois, aparecerá un aviso

para confirmar que a clave se cambiou ben.

Cando vexas ese aviso,

pecha o navegador.

Despois, abre outra vez o navegador

e entra de novo na sede electrónica.

A partir dese momento,

usa sempre a túa nova clave.

Cambiar ou recuperar a túa clave de Chave365

Podes necesitar unha nova clave de Chave365

por 3 motivos:

• porque queres cambiar a túa clave, 
• porque esqueciches a túa clave,
• ou porque a túa clave caducou.

Lembra que a clave de Chave365

vale durante 1 ano.

Cando pasa 1 ano,

tes que renovar a clave

por seguridade.

Cando a túa clave está a piques de caducar,

recibes un SMS no teu teléfono móbil.

Ese SMS avísate

de que tes que cambiar a clave.

Cambia a clave canto antes.

Agora explicámosche como podes cambiar ou renovar 

a túa clave de acceso a Chave365.

Podes cambiar a clave de 2 formas:

• Desde a app XuntaEu.

• Ou desde a área privada

  da sede electrónica da Xunta de Galicia.

Aquí explicámosche

como cambiar a clave desde a área privada 

da sede electrónica da Xunta.

Segue estes pasos:

• Entra na área privada.
• Escribe o teu DNI.
• Escribe a túa clave de acceso de Chave365.

• Fai clic en O meu perfil.

• Despois fai clic en Chave365.

  Nesta sección podes ver

  os teus datos de Chave365.

• Fai clic onde pon Cambiar clave.

• Escribe a túa clave actual. 

• Despois escribe 2 veces a clave nova.

  A clave nova debe ter

  6 caracteres ou máis.

  Os caracteres poden ser letras ou números.

• Fai clic en Cambiar clave.

• A túa clave xa está cambiada.
• Pecha o navegador. 

• Volve a abrir o navegador

  para usar

  a clave

  nova.

Outras opcións de recuperar a clave

Lembra que tes outras opcións

de recuperar ou cambiar a túa clave de acceso a Chave365.

Estas opcións son: 

• Con certificado dixital,

  DNI electrónico ou Cl@ve.

  Para acceder a estas opcións

  debes entrar no teu perfil de Chave365.

• Por videoidentificación.

  Para facelo, cobres o formulario de Chave365

  dentro do Asistente en liña

  de administración electrónica.

  Despois de enviar o formulario,

  o persoal técnico envíache as instrucións

  para facer a videoidentificación.

  Cando termina a videoidentificación

  recibes a nova clave no teu teléfono móbil.

• De forma presencial.

  Para facelo presencial

  ve a unha oficina da Administración 

  onde rexistran persoas usuarias de Chave365.

  Podes ver as oficinas aquí.