Esta fase desenvólvese mediante a Ficha 2. Hai que empregar unha destas fichas 2 para cada posto de traballo relacionado na ficha 1. Esta fase é o eixe da acción preventiva, xa que require non só definir a estimación do risco en canto á súa importancia senón tamén presentar as accións correctivas para cada risco.

Estimación do risco

Variables

Para cada risco detectado en cada posto de traballo hai que realizar unha estimación, determinando a potencial severidade do dano (as súas consecuencias) e a probabilidade de que aconteza o feito. As variables son a severidade do dano e a probabilidade. En cada unha destas variables considéranse tres opcións.

Probabilidade de que ocorra o dano

• Alta (A): o dano ocorrerá sempre ou case sempre
• Media (M): o dano ocorrerá nalgunhas ocasións
• Baixa (B): o dano ocorrerá raras veces

Severidade do dano

• Lixeiramente daniño (LD):
  
  • Danos superficiais: cortes e contusións pequenas, irritacións dos ollos polo po.
  • Molestias e irritacións: dor de cabeza, falta de confortabilidade.
• Daniño (D):
  
  • Chagas, queimaduras, conmocións, escordaduras importantes, fracturas menores.
  • Xordeira, dermatite, asma, trastornos músculo-esqueléticos, enfermidades que orixinan incapacidade menor.
• Extremadamente daniño (ED):
  
  • Amputacións, fracturas maiores, intoxicacións, lesións múltiples.
  • Cancro e outras enfermidades crónicas que acurten severamente a vida.

Valoración de riscos: decidir se os riscos son tolerables

Conforme ás variables anteriores, a valoración dedúcese de maneira automática segundo a seguinte táboa. 

E consecuentemente á valoración preséntanse como criterios de actuación os seguintes: