O dobre factor de identificación

é unha medida que aumenta a seguridade

cando entras nun servizo dixital.

Isto significa que non chega

con escribir un contrasinal.

Tamén tes que demostrar

que es ti doutro xeito.

Por exemplo, cun código

que recibes no teu teléfono móbil.

Como funciona con Chave365?

Cando tes dobre factor de identificación

e queres usar Chave365,

o sistema pídeche 2 datos:

• O teu contrasinal.

• Un código que recibes por mensaxe.

  Este código só o podes usar unha vez.

Así, a Administración comproba

que coñeces o contrasinal

e que tes o teu teléfono móbil.

Para que serve?

Este sistema serve para protexer mellor

a túa conta.

Se outra persoa descobre o teu contrasinal,

aínda necesitaría o código

que chega ao teu móbil.

Por iso, o dobre factor

aumenta a seguridade.

Cando usas o dobre factor de autenticación,

recibes un código por mensaxe

ou por correo electrónico.

Este código serve para comprobar

que es ti quen está intentando entrar.

O código é válido durante 5 minutos.

Despois dese tempo,

o código caduca.

Isto significa que xa non podes usalo.

Cantos intentos tes

para escribir ben o código?

Tes ata 3 intentos para escribir

o código correcto.

Se escribes mal o código 3 veces,

o teu acceso a Chave365

queda bloqueado.

Nese caso, terás que desbloquealo

antes de volver entrar.

Podes atopar información

sobre como desbloquear o acceso

nesta ligazón.

Podes activar o dobre factor de identificación

desde a túa área privada

da sede electrónica da Xunta.

Segue estes pasos:

• Entra en “O meu perfil”.
• Preme en “Preferencias”.

• Busca e marca a opción:

  Desexo activar a identificación reforzada

  para Chave365.

Así activas o dobre factor de autenticación

para usar Chave365.

Cando usas o dobre factor de identificación,

recibes un código dun só uso.

Este código ten 6 números.

Se resides en España,

recibes o código nunha mensaxe

no teu teléfono móbil.

A mensaxe chega ao número de teléfono

que indicaches ao facer a Chave365.

Se resides fóra de España,

podes recibir o código

por correo electrónico.

Podes cambiar os teus datos de contacto

Se cambiaches de teléfono

ou de correo electrónico,

podes actualizar os teus datos.

Para actualizar os teus datos

entra na sede electrónica da Xunta

e segue estes pasos:

• Vai a O meu perfil.

• Preme en Datos persoais.

Alí podes revisar e cambiar

os teus datos de contacto.

Se xa escribiches o teu usuario

e o teu contrasinal de Chave365,

debes recibir un código de 6 números.

Este código forma parte

do dobre factor de autenticación.

Se pasan uns segundos

e non recibes o código no móbil,

podes pedilo outra vez.

Na mesma pantalla,

busca a opción para solicitar

un novo código.

Que podes facer se o código segue sen chegar?

Se aínda así non podes acceder,

podes pedir axuda:

• Escribindo o problema no formulario do asistente en liña.
• Chamando servizo de información 012.

• Escribindo por WhatsApp ao servizo técnico da sede electrónica.