O Decreto 37/2006, do 2 de marzo regula o nomeamento de persoal interino para o desempeño transitorio de prazas reservadas a persoal funcionario e a contratación temporal de persoal laboral. Nel, establécese o procedemento de inscrición nas listas, o baremo aplicable, o procedemento para efectuar os chamamentos etc.
Suspensión indefinida de chamamentos
As persoas integrantes das listas que non estean a prestar servizos a través das listas elaboradadas en aplicación desde decreto poderán solicitar a suspensión das citacións.
A solicitude terá efectos en todas as listas nas que estea inscrita a persoa solicitante dende o día seguinte á súa presentación e manterase en canto a persoa interesada non presente solicitude de reincorporación.
O modelo de solicitude está dispoñible no seguinte enlace e deberá efectuarse electronicamente.
Reincorporación de chamamentos
A solicitude de reincorporación presentarase electronicamente no modelo que estará á disposición das persoas interesadas en https://www.xunta.gal/funcion-publica/ e producirá efectos transcorridos dez días desde a súa presentación.
Durante o ano 2023, en aplicación da disposición adicional primeira da Lei 7/2022, do 27 de decembro, de medidas fiscais e administrativas, a solicitude de reincorporación aos chamamentos producirá efectos ao día seguinte ao da súa presentación.
Modificación de datos persoais
As persoas inscritas nas listas poden solicitar electronicamente a modificación de datos persoais en calquera momento. Estas solicitudes producirán efectos na xestión das listas dende o día seguinte ao da súa presentación.
Premendo nesta ligazón pódese acceder directamente á páxina de xeración da solicitude de modificación de datos persoais.
Modificación de teléfono móbil
A comunicación do número de teléfono móbil poderase presentar en calquera dos lugares previstos no artigo 16.4 da Lei 39/2015, do 1 de outubro, do procedemento administrativo común das administracións públicas mediante o seguinte modelo:
A solicitude producirá efectos transcorridos 10 días contados desde a data da comunicación.
Readmisión automática tras penalización
As persoas integrantes das listas que estean penalizadas e queiran volver formar parte delas poderán solicitar a reincorporación. A solicitude de reincorporación presentada durante o período de penalización producirá efectos transcorrido o prazo dun ano ou seis meses se a penalización se produciu no ano 2022 (Lei 18/2021, do 27 de decembro), que se contará desde a data do feito causante da exclusión. A solicitude presentada con posterioridade á finalización do período de penalización producirá efectos o día seguinte ao da súa presentación.
A solicitude de reincorporación deberase realizar e presentar electronicamente
Modificación de ámbitos
As persoas inscritas nas listas poden solicitar electronicamente a modificación de ámbitos no mes de xaneiro de todos os anos. Estas solicitudes producirán efectos na xestión das listas a partir do 1 de marzo seguinte.
Premendo nesta ligazón pódese acceder directamente á páxina de xeración da solicitude de modificación de ámbitos.
Modificación de concello de empadroamento (só listas de persoal laboral do Servizo de Prevención e Defensa contra Incendios Forestais)
As persoas integrantes das ditas listas que desexen modificar o concello de empadroamento farano no mes de xaneiro utilizando o modelo de solicitude que estará dispoñible no portal web e achegarán o certificado de empadroamento.
Esta solicitude terá efectos na xestión das listas a partir de 1 de marzo seguinte. Esta solicitude poderá afectar á baremación segundo establécese no artigo 9. bis letra b) do Decreto 37/2006.
Premendo na seguinte ligazón pódese acceder directamente á páxina de xeración da solicitude de modificación de do concello de empadroamento.
Solicitude de actualización de méritos (só listas de persoal laboral do Servizo de Prevención e Defensa contra Incendios Forestais)
A solicitude de actualización dos méritos referidos a servizos prestados en concellos e mancomunidades de municipios da Comunidade Autónoma de Galicia na mesma categoría, categorías análogas ou asimilables, no ano anterior, pode presentarse no mes de xaneiro de cada ano e deberá acompañarse do certificado de servizos prestados no concello ou mancomunidade de municipios.
Solicitude de devolución de taxas
Para solicitar a devolución de taxas deberá descargar e cubrir o formulario adxunto, gravalo e presentalo anexándoo mediante o procedemento PR004A na sede electrónica, dirixido á Dirección Xeral da Función Pública.
- Descargar o formulario de devolución de taxas (descargar en formato .odt - descargar en formato .docx)
- Presentar o formulario na sede (deberá anexarse o formulario debidamente cuberto)
- Formulario de devolución de taxas para as persoas integrantes das listas provisionais de contratación temporal de persoal laboral das categorías profesionais de xerocultor/a (43) e persoal de servizos xerais (44) do grupo IV que queiran desistir da solicitude formulada ao abeiro da Resolución do 7 de marzo de 2019 (DOG do 18 de marzo) e pedir a devolución de taxas conforme ao establecido no punto décimo da Resolución do 23 de novembro de 2021 (DOG do 29 de novembro). Descargar en formato .docx
- Dúbidas de xestión